មេឃស្រទុំត្រជាក់មធ្យម ងំរូបភាព Kathryn និង Daniel ទាំងនេះ ផ្អែមត្រជាក់ដល់បេះដូង
March 26, 2022
ហ្វីលីពីន៖ បច្ចុប្បន្ននេះ ស្នេហារបស់តារាសម្ដែងដ៏មានប្រជាប្រិយភាពក្នុងប្រទេសហ្វីលីពីន តារាស្រី Kathryn Bernardo និងលោក Daniel Padilla ពួកគេនៅតែជាគូស្នេហ៍មួយគូដែលហ្វេនៗនៅតែចាត់ទុកថា ជាគូស្នេហ៍គំរូ ព្រោះតែពួកគេស្រលាញ់គ្នាជាង ១០ឆ្នាំហើយ ពោលគឺស្រលាញ់គ្នាតាំងពីនៅក្មេង ប៉ុន្តែមកដល់ពេលនេះ អ្នកទាំងពីរកាន់តែស្រលាញ់គ្នាលើសថ្ងៃដំបូងទៅទៀត។
ជាក់ស្ដែង ក្នុងថ្ងៃទី ២៦ ខែមីនានេះផ្ទាល់តែម្ដង ចំជាឪកាសថ្ងៃខួបកំណើតរបស់តារាស្រី Kathryn អ្នកទាំងពីរក៏បាននាំគ្នាទៅលំហែនៅឆ្នេរសមុទ្រយ៉ាងរ៉ូមែនទិក។
ជាពិសេស Kathryn និង Daniel ថែមទាំងបានផ្ដិតយករូបថតជាមួយគ្នា នៅក្រោមពន្លឺព្រះអាទិត្យរៀបលិច គួបផ្សំនឹងកាយវិការឪបថើបគ្នាពោរពេញដោយភាពផ្អែមល្ហែមទៀតនោះ មើលទៅពិតជាមានក្ដីសុខខ្លាំងមែនទែន រហូតធ្វើឲ្យបណ្ដាអ្នកគាំទ្រទាំងឡាយឃើញហើយសឹងតែលើសជាតិស្ករជំនួស៕
ទស្សនារូបភាពខាងក្រោម៖
អានបន្ថែម