ចាំអូនទេ? ពេលនេះ ផ្លាស់ប្តូរ ៣៦០ដឺក្រេ មានរាងស្លីមស្អាតមើលសឹងមិនស្គាល់

កម្សាន្ត ÷ តារា YouTuber ជនជាតិកូរ៉េ Yang Soo Bin ត្រូវបានគេស្រលាញ់យ៉ាងខ្លាំង ចំពោះបុគ្គលិកលក្ខណៈរបស់នាង និងវីដេអូកម្សាន្តដែលមានចាប់ពី mukbangs ដល់វគ្គ counseling center។

ក្រោយមក នាងក៏ទទួលបានការចាប់អារម្មណ៍ក្នុងឆ្នាំ ២០២០ សម្រាប់ការផ្លាស់ប្តូរយ៉ាងខ្លាំងរបស់នាង ដោយបានស្រកពី ១៣១ គីឡូក្រាម ទៅ ៨៧ គីឡូក្រាមក្នុងរយៈពេលជាងមួយឆ្នាំ។

ស្របគ្នានេះ នៅក្នុងវីដេអូដែលបានបង្ហោះ ចូលទៅក្នុង Channel YouTube របស់នាង Yang Soo Bin បានពន្យល់ថា នាងដឹងថានាងត្រូវការសម្រកទម្ងន់ ដោយសារតែបញ្ហាសុខភាព ហើយតាមពិតទៅ YouTuber រូបនេះ ថែមទាំងមានជំងឺមហារីក ដែលនាងមិនដឹងខ្លួន រហូតដល់នាងចាប់ផ្តើមស្រកទម្ងន់។

ប៉ុន្តែសុខភាពផ្លូវកាយ និងផ្លូវចិត្តរបស់ Yang Soo Bin បានប្រសើរឡើងវិញ ចាប់តាំងពីនាងចាប់ផ្តើមហាត់ប្រាណ និងតមអាហារ ហើយ Yang Soo Bin ក៏បាន​បង្ហាញ​ការ​ផ្លាស់​ប្តូរ​ដ៏​មិន​គួរ​ឱ្យ​ជឿ​របស់​នាង​ ក្នុង​រយៈ​ពេល​បី​ឆ្នាំ​មកនេះ នៅ​ក្នុង​ការ​បង្ហោះ Instagram ថ្មីៗ​របស់​នាងផងដែរ៕

ប្រភព: Koreaboo