Wang Yibo ក្លាយជាបុរសមុខមាត់សង្ហាជាប់ក្នុងតារាងលំដាប់ពិភពលោក

ចិន៖ មហាជនគ្រប់គ្នាប្រាកដជាបានស្គាល់ជាមួយនឹងតារាសម្ដែងចិនលោកWang Yibo ដែលជាតារាដ៏មានប្រជាប្រិយភាពនិងជាពិសេសគឺរូបរាងសង្ហាដែលបានទាក់ទាញហ្វេនៗនារីៗឱ្យឈ្លក់វង្វេងមិនតិចនោះទេ។

បច្ចុប្បន្ននេះ Wang Yibo មានវ័យ២៣ឆ្នាំ ជាតារាចម្រៀង និង ជាតារាសម្ដែងជនជាតិចិនយ៉ាងមានទេពកោសល្យម្នាក់នៅក្នុងវិស័យសិល្បៈ និងជាសមាជិកនៅក្នុងក្រុមតន្ត្រីបុរស ចិន-កូរ៉េខាងត្បូងថែមទៀតផង ។ ហើយគ្រប់គ្នាបានស្គាល់លោកក៏ព្រោះតែតាមរយៈការសម្ដែងរឿងភាគចិនជាច្រើននៅតាមកញ្ចក់ទូរទស្សន៍ផ្សេងៗ ក្នុងនោះដោយសារតែភាពប៉ិនប្រសព្វក្នុងការសម្ដែង  និង ជាពិសេសនោះគឺរូបរាងសង្ហា មុខមាត់ស្រស់ស្អាតគួរឱ្យទាក់ទាញជាខ្លាំង រហូតធ្វើឱ្យនារីៗមិនតិចនាក់នោះទេធ្លាក់ក្នុងអន្លង់ស្នេហ៍ដកចិត្តមិនរួច ។ព្រោះតែរូបរាងមុខមាត់សង្ហានិងមានមន្តស្នេហ៍របស់ Wang Yibo បែបនេះហើយ  ទើបគេទទួលបានតំណែងជាបុរសសង្ហាជាងគេបន្ទាប់ពីលទ្ធិផលបោះឆ្នោតចេញមក  គឺរូបគេបានជាប់លំដាប់លេខ​ ១៩​​ លើលោកនៅឆ្នាំ២០២០​ ក្នុងចំណោមបុរសសង្ហាៗជុំវិញពិភពលោកជាច្រើននាក់ផ្សេងទៀតដែលបានដាក់ឈ្មោះប្រកួត ៕

ប្រភព៖ Kapook