ចឹងតើបានប្ដីហួងហែង! សម្រស់អ្នកម៉ាក់កូន២ Gubgib រឹតតែស្អាត

ថៃ៖ អាចនិយាយបានថា តារាសម្ដែង និងពិធីការិនីល្បី Gubgib ច្រើនឆ្នាំមកនេះ នាងធ្វើឲ្យមហាជនជាច្រើន ចាប់អារម្មណ៍ជាមួយនឹងសុភមង្គលរបស់នាងតែម្ដង។ ជាពិសេស នាងជាតារាស្រីមួយរូបដែលមានសំណាង ខណៈមានស្វាមីរូបសង្ហា ហើ់យពូកែយល់ចិត្តនាងដូច្នេះ។ មិនតែប៉ុណ្ណោះ បន្ទាប់ពីសម្រាលបានកូនស្រីពីរួច តារារូបនេះកាន់តែទទួលបានការថ្នាក់ថ្នមពីស្វាមីជាងមុនទៀត។

យ៉ាងណាមិញ រឿងដែលរឹតតែធ្វើឲ្យមហាជន និងហ្វេនៗសង្កេតឃើញ ចាប់ភ្លឹកនាពេលបច្ចុប្បន្ននេះ Gubgib កាន់តែមានសម្រស់ប្លែក ហើយទាក់ទាញជាងមុន។ ម្យ៉ាងវិញទៀត មួយរយៈចុងក្រោយនេះនាង កាន់តែលេងខ្លួនជាមួយស្ទាយ៍ថ្មីៗយ៉ាងលេចធ្លោ។ ហើយគ្រប់ពេល​​ ដែលនាងបង្ហាញសម្រស់លើបណ្ដាញសង្គមម្ដងណា ក៏មានអ្នកគាំទ្រសរសើរផងដែរ។ 

ជាក់ស្ដែង ប្រិយមិត្តបានដឹងរួចមកហើយថា Gubgib មានកូនស្រី២នាក់ ហើយបច្ចុប្បន្ននាងមានអាយុ៣០ជាងឆ្នាំពិតមែន ប៉ុណ្ណោះសម្រស់នាងពេលនេះ រឹតតែស្អាតផូរផង់។ ហើយថ្មីៗនេះ នាងទើបបង្ហោះរូបពេលទៅដើរលេងជុំគ្រួសារជាមួយស្វាមី និងកូនៗ ទោះបីលេងស្ទាយ៍សាមញ្ញៗ ប៉ុន្តែស្រស់សោភាតែម្ដង។ ក្នុងនោះដែរ គេឃើញស្វាមីតារារូបនេះ ពិតជាហួងហែងនឹងនាងខ្លាំង បើទោះបីរៀបការមកច្រើនឆ្នាំ ហើយថែមទាំងមានកូនរួចពិតមែន៕ 

សូមទស្សនារូបភាពខាងក្រោម៖​