មិនចាញ់គ្នា! ទិដ្ឋភាពក្នុងផ្ទះ Kanye West បានទិញជិតផ្ទះ Kim Kardashian ពិតជាមិនធម្មតា

បរទេស៖ ថ្មីៗនេះ តារារ៉េប លោក Kanye West បានទាញយកចំណាប់អារម្មណ៍ពីមហាជនជាច្រើន បន្ទាប់ពី បានចំណាយប្រាក់ជិតកន្លះលានដុល្លារ ដើម្បីកាន់កាប់អចលនទ្រព្យមួយកន្លែង ដែលត្រូវបានគេដឹងថា នៅក្បែរផ្ទះអតីតភរិយា Kim Kardashian ក្នុងរដ្ឋកាលីហ្វ័រញ៉ា។

នៅក្នុងនោះដែរ ផ្ទះថ្មីរបស់ លោក Kanye West គឺមានទំហំដីប្រមាណ ៤០០០​ ម៉ែតការ៉េ  ដែលមានសួនច្បារធំទូលាយ អាងហែលទឹក ទីកន្លែងដើម្បីបង្កាត់ពូជសេះ ទៀតផង។ មិនត្រឹមតែប៉ុណ្ណោះ ចំណែកឯទិដ្ឋភាពខាងក្នុងផ្ទះវិញ ក៏មានការរៀបចំយ៉ាងស្រស់ស្អាត តាមបែបសាមញ្ញ និងមានបន្ទប់គេង ៥ បន្ទប់ទឹក ៤ ។ ជាពិសេស បើទោះបីជា ផ្ទះមួយនេះ ហាក់នៅឆ្ងាយពីភាពទំនើប និងប្រណីតស៊ីវីល័យក្ដី តែតារារ៉េបរូបនេះ ត្រូវ​បាន​គេ​និយាយ​ថា​ រូបលោក កំពុង​ចំណាយ​លុយ ​ដើម្បី​រចនា ផ្ទះ​នេះឡើងវីញ ផងដែរ។

លើសពីនេះ តារារ៉េប លោក Kanye West ពិតជា​សប្បាយ​ចិត្ត​យ៉ាងខ្លាំង ​ដែល​បាន​រក​ផ្ទះ​មួយ នៅ​ក្បែរ​គ្រួសារ​ និង​កូនៗ​របស់ខ្លួន ដោយធ្លាប់បាន​ចែករំលែក​ កាល​ពី​ខែ​មុន​ថា រូបលោក ​ចង់​ចំណាយ​ពេលឲ្យបាន​ច្រើន​បំផុត ​ជាមួយនឹង​កូនៗ ក៏ដូចជាសង្ឃឹមថា ពេលណាមួយពួកគេនឹងបានមកនៅជួបជុំគ្នា៕  

ប្រភព៖ Ngoisao.net

សូមទស្សនារូបភាពខាងក្រោម៖