ភ្នំពេញ៖ កាលពីព្រឹកមិញនេះ មហាជន ក៏ដូចជាអ្នកស្នេហាវិស័យសិល្បៈ មានការស្លុតចិត្តជាខ្លាំង ក្រោយទទួលឮដំណឹងមរណភាពរបស់ ផលិករភាពយន្ត និងជាអ្នកដឹកនាំសម្ដែងចម្រៀងខារ៉ាអូខេជើងចាស់ ក្នុងផលិតកម្មរស្មីហង្សមាស លោកព្រឹទ្ធាចារ្យ ហ៊ុយ ពុធ។ ដោយលោកទទួលមរណភាពដោយសារតែរោគាពាធ។ ក្នុងនោះដែរ នៅពេលដំណឹងនេះត្រូវបានចែកចាយពេញបណ្ដាញសង្គម គ្រប់គ្នាក៏បានផ្ញើសារចូលរួមរំលែកទុក្ខហូរហែ។ដោយឡែក បើទោះបីព្រឹទ្ធាចារ្យរូបនេះ បានលាចាកលើកទៅហើយពិតមែន ប៉ុន្តែស្នាដៃដែលលោកធ្លាប់បានសាង នៅតែដក់ជាប់ក្នុងចិត្តគ្រប់គ្នាជានិច្ចផងដែរ។ ជាពិសេសបើក្រឡេកមកមើលពីស្នាដៃកាលពីអតីតកាលរបស់ ព្រឹទ្ធាចារ្យ ហ៊ុយ ពុធ កាលពីពេលចាប់ផ្ដើមដំបូងៗវិញ យើងឃើញថា កាលនោះលោកក៏មានជីវប្រវត្តិល្អមិនធម្មតានោះដែរ នេះបើយោងតាមការបង្ហាញរបស់ផេកហ្វេសប៊ុក ក្រុមព្រះសុរិយា បានរៀបរាប់អំពីជីវប្រវត្តិរបស់លោកថា៖<blockquote><aside>លោកព្រឹទ្ធាចារ្យ​ ហ៊ុយ​ ពុធ​ បានចូលសិក្សារៀនសូត្រផ្នែកថតភាពយន្ត​នៅក្នុងសម័យសង្គមរាស្រ្តនិយម​ ជាមួយលោក​ អៀវ​ បណ្ណាការ​ ហេីយលោកជាអ្នកថត​ និងផ្តិតរូបដង្ហែក្នុងព្រះរាជដំណេីរទស្សនកិច្ចរបស់សម្តេចព្រះនរោត្តមសីហនុ​ ទៅកាន់ប្រទេសចិន​ កាលពីដេីមទសវត្ស៧០។ នៅសម័យសាធារណរដ្ឋខ្មែរ​ លោកបានចូលបំរេីក្នុងស្ថានីយ៍ទូរទស្សន៍ជាតិ​។&nbsp;ក្រោយឆ្នាំ១៩៧៩​ លោកបានចូលបំរេីក្នុងបំរេីជាមន្រ្តីនៅនាយកដ្ឋានភាពយន្ត។ នៅឆ្នាំ១៩៨៩​ លោកបានផលិតខ្សែវីដេអូជាលេីកដំបូងរឿង​ ស្នេហ៍រហែកជ្រែកវិញ្ញាណ ទទួលបានជោគជ័យយ៉ាងសម្បេីម​។ នៅទសវត្ស៩០ ដដែលនោះ​ លោកក៏ចូលរួមក្នុងក្រុមផលិតភាពយន្តនាព្រះបរមរាជវាំង​ ដេីម្បីផលិតខ្សែភាពយន្តស្នាព្រះហត្ថសម្តេចព្រះនរោត្តម​ សីហនុ​ ព្រះបរមរតនៈកោដ្ឋ​ ទៀតផង។ ក្រោយមកលោកបានចូលបំរេីការងារនៅផលិតកម្មហង្សមាស​ផ្នែកដឹកនាំរឿងខារ៉ាអូខេ​ ដំបូងបង្អស់នៅកម្ពុជា។</aside><label>— ការរៀបរាប់ក្រុមព្រះសុរិយា</label></blockquote><figure style="text-align:center"><img src="https://cms.dmpcdn.com/article/2021/08/03/00a7bda0-f431-11eb-9eff-7bf613903dbc_original.jpg" alt="ព្រឹទ្ធាចារ្យ ហ៊ុយ ពុធ&amp;nbsp;" style="width:100%"/><figcaption>ព្រឹទ្ធាចារ្យ ហ៊ុយ ពុធ&nbsp;</figcaption></figure><figure style="text-align:center"><img src="https://cms.dmpcdn.com/article/2021/08/03/010fce40-f431-11eb-bc5c-f76a95ced26a_original.jpg" alt="ព្រឹទ្ធាចារ្យ ហ៊ុយ ពុធ&amp;nbsp;" style="width:100%"/><figcaption>ព្រឹទ្ធាចារ្យ ហ៊ុយ ពុធ&nbsp;</figcaption></figure><figure style="text-align:center"><img src="https://cms.dmpcdn.com/article/2021/08/03/016c6d30-f431-11eb-9eff-7bf613903dbc_original.jpg" alt="ព្រឹទ្ធាចារ្យ ហ៊ុយ ពុធ&amp;nbsp;" style="width:100%"/><figcaption>ព្រឹទ្ធាចារ្យ ហ៊ុយ ពុធ&nbsp;</figcaption></figure>ប្រភពពី៖ ក្រុមព្រះសុរិយា

នេះជាប្រវត្តិ កាលនៅរស់ អ្នកដឹកនាំសម្ដែងនៅហង្សមាស ព្រឹទ្ធាចារ្យ ហ៊ុយ ពុធ ពិតជាមិនធម្មតា!