ឆ្លាត មានសមត្ថភាព ច័ន្ទណារីយ៉ា និង មុនីនាថ នឹងចេញទៅប្រកួតនៅប្រទេសម៉ាឡេស៉ីឆាប់ៗនេះ

ភ្នំពេញ៖ ថ្មីៗនេះមានដំណឹងដ៏គួរឲ្យភ្ញាក់ផ្អើលទៅកាន់ហ្វេនៗជាខ្លាំង ខណៈបវរកញ្ញា MPIC  លំដាប់រងទី៣  គង់ ច័ន្ទណារីយ៉ា បានទទួលតំណែងថ្មីគឺ Miss Teen Global Cambodia ហើយបវរកញ្ញាម្ចាស់ពានរង្វាន់ Miss Talent ឆដា មុនីនាថ ទទួលបានតំណែង Little Miss Global Cambodia។ 

យ៉ាងណាមិញ គង់ ច័ន្ទណារីយ៉ា និង ឆដា មុនីនាថ អ្នកទាំងពីរពិតជាមានសមត្ថភាព ចំណេះដឹងល្អ និងប្រើប្រាស់ភាសាអង់គ្លេសយ៉ាងស្ទាត់ដូចគ្នា ទោះទើបមានអាយុ ១២ ១៣ឆ្នាំ ក៏ពិតមែន។ ជាពិសេស ការដើរម៉ូតគឺពិតជាល្អ មិនចាញ់បវរកញ្ញារៀមច្បងដែលធ្លាប់ចេញទៅប្រកួតលើឆាកអន្តរជាតិប៉ុន្មានឡើយ។ ហើយហ្វេនក៏តែងតែចង់ឃើញអាយដលតូចទាំងពីរ ខំពង្រឹងសមត្ថភាពខ្លួនឯងឲ្យល្អជាងមុនផងដែរ។ 

តួយ៉ាង ថ្មីៗទាំង គង់ ច័ន្ទណារីយ៉ា Miss Teen Global Cambodia និង ឆដា មុនីនាថ Little Miss Global Cambodia អ្នកទាំងពីរ នឹងចេញទៅប្រកួតលើឆាកអន្តរជាតិ នៅឯប្រទេសម៉ាឡេស៉ី។ ប្រិយមិត្តអាចជួយលើកទឹកចិត្ត ដល់បវរកញ្ញាយុវតីវ័យក្មេងកម្ពុជាទាំងពីររូបបាន ដើម្បីជាកម្លាំងចិត្ត ពេលចេញទៅប្រកួតឆាប់ៗខាងមុខនេះ៕ 

សូមទស្សនារូបភាពខាងក្រោម៖