ក្រោយ​ក្លាយជាតួឯកស្រី តារារូបស្រស់ ៥ដួង​នេះ ធ្លាប់​សម្តែង​ជាមួយតួប្រុសល្បីៗណាខ្លះ?

ទម្រាំមានកេរ្តិ៍ឈ្មោះ និងភាពល្បីល្បាញ ព្រមទាំងមានមហាជនស្កាល់គ្រប់ទិសទីរហូតមកដល់សព្វថ្ងៃនេះអាចនិយាយបានថា តារាសម្តែងស្រីថៃល្បីៗមានឈ្មោះបោះសម្លេងជាច្រើនរូប បានឆ្លងកាត់ភាពលំបាក​មិនតិច​ឆ្នាំនោះ​ទេ។

តួយ៉ាងសម្រាប់តារាស្រីទាំង ៥ រូបខាងក្រោមនេះវិញ គឺបានហក់ចូលវិស័យកម្សាន្តថៃអស់ប្រមាណជាង១០ ឆ្នាំមក​​​ហើយ ព្រមទាំងបានសម្តែងភាពយន្ត និងរឿងភាគល្បីមិនតិចរឿងនោះទេ។ ចុះអ្នកទាំងអស់គ្នានៅ​ចាំបាន​អត់ថាតើពួកគេ​បានសម្តែងជាមួយតារាប្រុសៗចំនួនប៉ុន្មានរូបមកហើយ?

១. Taew Natapohn

បន្ទាប់ពីតារាស្រីសមត្ថភាពខ្ពស់ Taew Natapohn ហក់ចូលវិស័យកម្សាន្តមក នាងបានសម្តែងជាមួយតារាថៃ​ប្រុសចំនួន ១៥ រូបមកហើយ ប៉ុន្តែតារាប្រុសដែលលេចធ្លោ និងស័ក្កសមជាមួយនាងបំផុតគឺ James Jirayu, Mario Maurer និង Mark Prin ។

២. Bella Ranee

រយៈពេល ៤ឆ្នាំចុងក្រោយនេះសម្រាប់តួឯកស្រី Bella Ranee បានលេចមុខនៅក្នុងរឿងល្បីៗដូចជា «Plerng Boon» «Buppesunnivas» «Krong Karm» និង «Roy Leh Marnya»ដែលធ្វើឲ្យតារាស្រីរូបនេះកាន់តែ​លើកកេរ្តិ៍ឈ្មោះល្បីល្បាញថែមមួយកម្រិតទៀត។រីឯតារាប្រុសឆ្នើមៗដែលនាងធ្លាប់បានសម្តែងគឺមានចំនួន ១០ រូប​មកហើយ។

៣. Kimmy Kimberley

សម្រាប់ Kimmy Kimberley ប្រឡូកក្នុងវិស័យកម្សាន្តនេះប្រមាណជា ១០ ឆ្នាំមកហើយភាគច្រើននាងបានចាប់​​គូ​សម្តែងជាមួយមិត្តប្រុសគឺលោក Mark Prin ។ ក្រៅពីនេះគឺនាងបានដើរតួសម្តែងជាមួយតារាប្រុសៗដែលជា​មិត្តរួម​ដំបូលប្រហែល ១០ រូបមកហើយ។

៤. Yaya Urassaya

១៣ឆ្នាំមកហើយដែលកំពូលតារាស្រីដ៏ល្បីល្បាញ Yaya Urassaya បានហក់ចូលក្នុងវិស័យសម្តែង ក្នុងនោះភាគច្រើនគឺនាងចាប់គូជាមួយ NadechKugimiya ដែលគ្រប់គ្នាស្គាល់ថាជាមិត្តប្រុសរបស់ Yaya ។ ក្រៅពីនោះគឺមានតារាប្រុសតែ ៨រូបតែប៉ុណ្ណោះដែលធ្លាប់ដើរតួសម្តែងជាមួយនឹងនាង។

៥. Mew Nittha

ដោយឡែកសម្រាប់តារាសម្តែងMew Nittha វិញ ទើបប្រឡូកក្នុងវិស័យសម្តែងថៃបាន ៨ ឆ្នាំតែប៉ុណ្ណោះដែលក្នុងនោះនាងបានធ្វើការរួមគ្នាជាមួយតារាប្រុសល្បីៗចំនួន ៧ រូបរួមមានដូចជា​ Pope Thanawat,Nadech Kugimiya, Mai Warit, James Ma, Mark Prin និងតារាប្រុសផ្សេងៗទៀត៕

ប្រភព៖​ thaiupdate