Jennie និង Joy ថតម៉ូតឲ្យBrand តែមួយ អ្នកណាមើលទៅស្អាតជាង?

កម្សាន្ត ៖ តារាស្រីល្បីៗពីររូបរបស់ Kpop ជំនាន់ទី ៣ គឺ Jennie សមាជិកក្រុម BLACKPINK និង Joy សមាជិកក្រុម Red Velvet ទាំងពីរនាក់ បានក្លាយជាតារាបង្ហាញម៉ូតឱ្យប្រេនម៉ូដល្បីរបស់អាមេរិក Calvin Klein ដោយ Jennie គឺជាឯកអគ្គរដ្ឋទូតសកលរបស់ម៉ាកយីហោនេះ ខណៈពេលដែល Joy គឺជា muses មួយរបស់ពួកគេ។

ហើយថ្មីៗ​នេះ ទាំង Jennie និង Joy បានឆក់យកបេះដូងរបស់​អ្នក​គាំទ្រ សម្រាប់​ការ​ថត​ចុងក្រោយ​របស់​ពួក​គេឲ្យ Calvin Klein ត្រូវ​បាន​ចេញ​ផ្សាយ ព្រោះទាំង Jennie និង Joy គឺពិតជាសាកសមឥតខ្ចោះ ជាមួយនឹងភាពសិចស៊ី ស្វាហាប់ និងរស់រវើកនៃ សម្លៀកបំពាក់ Calvin Klein ដែលពួកគេបានបញ្ចេញស្ទាយ និងភាពទាក់ទាញរៀងៗខ្លួន។

ទន្ទឹមនឹងនេះដែរតារា​ទាំង​ពីរ​ជា​តារា​ល្បី​ៗ​ដែល​គេ​ស្គាល់​ថា ​មាន​ទម្រង់​មុខ​ស្រស់ស្អាត រាង​ស្គមនិង​មាន​មន្ត​ស្នេហ៍​លើសលុប មិនតែប៉ុណ្ណោះទាំង Jennie និង Joy មើល​ទៅស៊ិចស៊ី​ដូច​គ្នា ​ទោះយ៉ាងណាក៏ដោយ ពួកគេនៅតែផ្តល់អារម្មណ៍ឲ្យអ្នកគាំទ្រ ប្លែកៗពីគ្នាគួរឱ្យចាប់អារម្មណ៍ដែល Jennie បែបរស់រវើង ស៊ិចស៊ី និងមោះមុតចំណែកឯ Joy បែបស្រទន់ និងជានារីក្នុងក្តីសុបិនជាដើម។

ស្របគ្នានេះក៏មានអ្នកគាំទ្រជាច្រើនបង្អុលបង្ហាញ ពីទាក់ទាញរបស់តារាស្រីទាំង ២ថា អ្នកណាទាក់ទាញនិងលូយជាង ដែលមានអ្នកខ្លះអះអាងថាជា Jennie ព្រោះនាងតែងតែបញ្ចេញស្ទាយប្លែកៗមិនជាន់គ្នាគួរឲ្យចាប់អារម្មណ៍ ខណៈដែលអ្នកខ្លះថាជាJoy ដោយសារតែកាយវិការទាក់ទាញនិងទឹកមុខមានមន្តស្នេហ៍របស់នាង៕

ជ្រាបច្បាស់ សូមទស្សនារូបភាពខាងក្រោម ៖ 

ប្រភព : kbizoom