សម្រស់ខ្ញង់យ៉ាងនេះ អ្នកណាជឿ Kim Hee Sun អាយុ ៤៥ឆ្នាំ

កម្សាន្ត ÷ នៅថ្ងៃទី ១៣ ខែកក្កដា Kim Hee Sun បានចូលរួមសន្និសីទសារព័ត៌មាន សម្រាប់ស៊េរីរឿង Netflix នាពេលខាងមុខរបស់នាង ដែលមានចំណងជើងថា «Remarriage & Desires» ដែលធ្វើឡើងនៅ CREST72 Jung-gu Seoul ។ 

ហើយនៅទីនេះ តារាស្រីរូបនេះបានបង្ហាញខ្លួន ក្នុងម៉ូដសក់ខ្លីត្រឹមក ស្បែកជើងកវែងពណ៌ត្នោតខ្ពស់ និងរ៉ូបខោខូវប៊យឡូយ បញ្ចេញនូវភាពក្មេងជាងវ័យ និងរស់រវើករបស់ខ្លួន មិនតែប៉ុណ្ណោះស្បែកជើងកវែង និងការកាត់សក់ខ្លី រួមជាមួយរ៉ូបរបស់នាងក៏បានរំលេចជើងតូច វែង របស់តារាស្រីរូបនេះយ៉ាងល្អឥតខ្ចោះ ធ្វើឲ្យអ្នក​និយម​លេង​អ៊ីនធើណែត​មួយ​ចំនួន​បាន​លើក​ឡើង​ថា Kim Hee Sun ពិតជាមានសម្រស់ក្មេងជាងវ័យមែន។ 

ទន្ទឹមនឹងនេះ Kim Hee Sun ជារឿយៗបង្ហាញភាពជឿជាក់ជាមួយនឹងរូបរាងរបស់នាង ដោយតារា​ស្រី​រូប​នេះ​បញ្ជាក់​ថា នាង​មិន​ខ្លាច​ភាព​ចាស់​ទេ ព្រោះ​វា​ជា​រឿង​ធម្មជាតិ តែការរក្សាទម្លាប់នៃការតមអាហារ តាមបែបវិទ្យាសាស្ត្រ ការធ្វើលំហាត់ប្រាណជាប្រចាំ និងមិនប្រកាន់យកគំនិតអវិជ្ជមាន គឺជាអាថ៌កំបាំងរបស់ Kim Hee Sun ដើម្បីរក្សាភាពក្មេងជាងវ័យ និងភ្លឺថ្លាក្នុងវ័យជាង ៤០ ឆ្នាំនេះ៕

ជ្រាបច្បាស់ សូមទស្សនារូបភាពខាងក្រោម ÷

ប្រភព: Kbizoom