បែកធ្លាយរូបថត V និង Jennie ណាត់ជួបគ្នា ម្តងនេះនៅផ្ទះបែបគូស្នេហាតែម្តង
កម្សាន្ត ÷ ជាការពិតថ្មីៗនេះ ពាក្យចចាមអារ៉ាមស្នេហារវាង តារាប្រុសស្រី Kpop ដែលមានប្រជាប្រិយភាពរវាងV សមាជិកក្រុម BTS និង Jennie សមាជិកក្រុម BLACKPINKនៅតែកក្រើក ក្រោយពេលដែលមានរូបភាពថ្មីៗលេចឡើងជាបន្តបន្ទាប់។
ក្នុងនោះ កាលពីថ្ងៃ ២៤ ខែសីហា មានរូបថតបុរស និងនារីម្នាក់ ដែលគេជឿថាជា V និង Jennieបានរីករាលដាលពាសពេញ គេហទំព័រ SNS និងសហគមន៍អនឡាញដែលនៅក្នុងរូបថតគឺ V កំពុងធ្វើសក់ ហើយ Jennie ជាអ្នកថតរូបផងដែរ។
ទោះជាយ៉ាងណាក៏ដោយ នៅថ្ងៃនេះស្រាប់តែមានលេចឡើង នូវរូបភាពថ្មី ដែលអ្នកទាំងពីរកំពុងថតរូបSelfie នៅមុខកញ្ចក់នៅច្រករបៀង នៃផ្ទះល្វែងមួយ ពួកគេបានស្លៀកសម្លៀកបំពាក់បែបងាយៗបែបនៅផ្ទះដូចជាគូស្នេហ៍កំពុងរស់នៅជាមួយគ្នា។
មិនតែប៉ុណ្ណោះ ក៏មានអ្នកលេងអ៊ីនធើណែតមួយចំនួន ថែមទាំងបានចង្អុលបង្ហាញថាV ក៏ធ្លាប់ថតរូប Selfie នៅពីមុខកញ្ចក់ដែលមានផ្នែកខាងក្រោយស្រដៀងគ្នាផងដែរ ហើយថ្វីត្បិតតែអ្នកគាំទ្រជាច្រើន មានការសង្ស័យពីប្រភពនៃរូបភាពនេះក៏ដោយក៏មហាជនមួយចំនួនជឿថា V និង Jennie គឺជាគូស្នេហ៍ព្រោះអ្នកទាំងពីរមានពាក្យចចាមអារ៉ាម ទាក់ទងគ្នាម្តងហើយម្តងទៀត៕
ប្រភព : Koreaboo