Superman Reboot អាចនឹងស្ថិតក្នុង Earth-2 ជាមួយនឹង The Batman Reboot ថ្មីដែរ

បរទេស៖ យោងតាមទ្រឹស្ដីមួយចំនួន Superman Reboot អាចនឹងត្រូវដាក់បញ្ចូលទៅក្នុង Earth-2 ដូចទៅនឹង Batman Reboot ដែរ បន្ទាប់ពីមានព័ត៌មានជាផ្លូវការប្រកាសថា The Batman Reboot នឹងស្ថិតនៅក្នុង Earth-2 ខុសពីចក្រវាលផ្សេងៗដែលមានក្នុង DCEU កន្លងមក។

គួរឱ្យដឹងថា មកដល់ពេលនេះមានទាន់មានសេចក្ដីប្រកាសជាផ្លូវការណាដែលនិយាយអំពីអាជី Superhero របស់ Henry Cavill ដែលសម្ដែងជា Superman ឡើយ ខណៈពេលដែលកាលពីខែកុម្ភៈ ឆ្នាំ ២០២១ វាបានគេប្រកាសថាលោក J.J Abrams អ្នកដឹកនាំរឿងល្បីៗដូចជា Star Trek, Star War, Man In Black និង Mission: Impossible គឺកំពុងតែត្រៀមផលិតនូវខ្សែភាពយន្ត Superman ថ្មីជាមួយនឹង Script ដែលសរសេរលោក Ta-Nehisi Coates ដែលជាអ្នកសរសេរសាច់រឿងក៏ដូចជាសៀវភៅ Comics ល្បីៗដូចជា Captain America, Black Pather​ ជាដើមផងដែរ ដែលភ្ជាប់មកជាមួយនឹងដំណឹងតិចតួចអំពីគម្រោងនេះដែលត្រូវបានគេរំពឹងថាវានឹងបង្ហាញវត្តមាននូវ Superman ស្បែកខ្មៅដំបូងបង្អស់របស់ DCEU ដែលចចាមអារ៉ាមថានឹងសម្ដែងដោយលោក Michael B. Jordan ដែលជាតារាសម្ដែងជា​ Erik Killmonger មកពីក្នុងរឿង Black Panther របស់ Marvel ។

ទោះជាយ៉ាងណាក៏ដោយ DCEU បានព្យាយាមនាំមកនូវតួអង្គជាច្រើនជាពិសេស Justice League មកឱ្យទស្សនិកជនបានទស្សនាតាមរយៈការសហការជាមួយនឹងក្រុមហ៊ុន Warner Bros ដែលកំពុងសិក្សាទៅលើគម្រោងបែប Multiverse នៃខ្សែភាពយន្តដែលកាលពីមុន Studio នេះបានព្យាយាមខ្លាំងដោយមិនចង់ឱ្យមាន Multiverse កើតមានឡើយ ពោលគឺខ្សែភាពយន្តភាគ Smallville របស់ Warner Bros ដែលដកស្រង់យកចេញពីរឿងរបស់ DC នោះពុំមាន Bruce Wayne ឬ​ Batman​ ឡើយក៏ព្រោះតែពួកគេមានខ្សែភាពយន្ត The Dark Knight's Trilogy ឬ Batman ទាំងបីរបស់អ្នកដឹកនាំរឿងនិងជាផលិករល្បីឈ្មោះគឺលោក Christopher Nolan មកហើយ។ ក៏ប៉ុន្តែគំនិតបែបនេះគឺត្រូវបានរលាយបាត់ទៅវិញហើយព្រោះថា Multiverse កាន់តែមានអនុភាព និងទាក់ទាញអ្នកគាំទ្រជាខ្លាំងដូចជាកាលដែល Arrowverse ឬ CWverse មានការជួបគ្នារវាង Superman និង Superman ហើយ The Flash ជួបជាមួយនឹង The Flash ផ្សេងទៀត រួមទាំងគំនិតរបស់ក្រុមហ៊ុន Marvel ក្នុងរឿង  Spider-Man: Into the Spider-Verse ដែលប្រមូលផ្ដុំទៅដោយ Spiderman (មនុស្សពីងពាង) មកជុំគ្នាជាដើម។

នោះហើយជាអ្វីដែលកំពុងកើតឡើងសម្រាប់ Warner Bros ក្នុងប៉ុន្មានឆ្នាំខាងមុខនេះជាមួយតួអង្គ DC Comics ធំៗទាំងពីររបស់ពួកគេគឺ Henry Cavill និង Ben Affleck ទាំងពីរកំពុងតែធ្វើការភ្ញាក់ផ្អើរជាខ្លាំងក្នុងការសម្ដែងជា Superman និង Batman នៅក្នុង League League របស់លោក Zack Snyder ។ ហើយ Ben Affleck នឹងបន្តមកសម្តែងជា Batman ម្តងទៀតនៅក្នុង The Flash (2022) ក្នុង DCEU គោលរបស់គេដែលរួមបញ្ចូលទាំង Batman ក្នុងឆ្នាំ ១៩៨៩ របស់ Michael Keaton ផងដែ។ យ៉ាងណាមិញក្រៅពី ចក្រវាល DCEU គោល (main DCEU) មួយនេះលោក Robert Pattinson នឹងក្លាយទៅជា​ Batman ថ្មីដែលស្ថិតនៅក្នុង Earth-2 ខណៈពេលដែល Warner Bros កំពុងពិចារណាទៅលើ Superman Reboot ថ្មីដែលនឹង ផលិតដោយ J.J Abrams នេះ។

យ៉ាងណាមិញ ចាប់តាំងពីលោក Warner Bros កំពុងព្យាយាមបញ្ចេញ DC Multiverse មកវាគឺពិតជាអាចមានលទ្ធភាពខ្លាំងណាស់ដែលថា Superman ថ្មីក៏អាចនៅនឹងកើតឡើងនៅក្នុង Earth-2 ដែលរស់នៅក្នុងចក្រវា DCEU ថ្មីរបស់ Batman របស់លោក Robert Pattinson ដែរ បើយោងតាមកាលបែកធ្លាយរូបកាសែតនៅក្នុងឈុតក្រៅឆាកមួយក្នុងរឿង The Batman ដែលនិយាយទាក់ទងទៅនឹង​ Metropolis ដែលជាទីក្រុងរបស់ Superman ហើយជាមួយនឹងរឿងរាវចចាមអារ៉ាមថា Superman ថ្មីនឹងជាជនស្បែកខ្មៅដូចទៅក្នុង Comics ​តួអង្គ Superman ដែលមានឈ្មោះ Calvin Ellis ឬ Val-Zod គឺស្ថិតនៅក្នុង Earth-2 ដែលដូចទៅនឹង Batman ក្នុង Earth-2 គឺដែលមានឈុតលាយនឹងពណ៌ក្រហម​បន្តិច ណាមួយទំនាក់ទំនងល្អរវាងអ្នកដឹកនាំរឿង The Batman Reboot លោក Matt Reeves និងលោក J.J Abrams មានបទពិសោដ៏ក្នុងការធ្វើការជាមួយគ្នាផងដែរ។ ហើយវាក៏ជាចម្រើសដ៏ល្អមួយសម្រាប់ DC ដើរក្នុងការបែបចែកតួអង្គនិងបន្តដង្ដើមសម្រាប់ចក្រវាល DCEU ដែលកំពុងមានស្រាប់និងហ្វេនៗកំពុងទាមទារឱ្យមានការបន្តទៅមុខទៀតជាមួយនឹង Hashtag ដូចជា #RestoreTheSnyderverse​ ៕