តារាជើងចាស់ប្រចាំ TVB ធ្លាក់ខ្លួនរហូតរំជួលចិត្តស្រក់ទឹកភ្នែក

ហុងកុង៖ ធ្លាប់តែជាតារាល្បីរបស់ TVB តែពេលនេះជីវិតរបស់ តារាជើងចាស់ លោក Joseph Lee បែរជាជួបបញ្ហាមួយចំនួន ដោយរូបលោក ត្រូវ​រក​ស៊ី​តាមការ​ផ្សាយ​ផ្ទាល់​ លក់​ផលិតផល ដើម្បី​ចិញ្ចឹមជីវិត។

មិនត្រឹមតែប៉ុណ្ណោះ ថ្មីៗនេះ ខាងប្រព័ន្ធផ្សព្វផ្សាយ បានរាយការណ៍ថា លោក Joseph Lee បានធ្វើផ្សាយបន្តផ្ទាល់ ពីការលក់ផលិតផល ក្នុងរយៈពេលដល់ទៅ  ៨ ម៉ោង ប៉ុន្តែបែរជា គ្មានអ្នកទិញច្រើនទៅវិញ។ 

ម៉្យាងវិញទៀត ដោយសារតែអាយុរបស់ តារាប្រុសរូបនេះ គឺមិននៅក្មេងទៀតឡើយ ហើយកម្លាំងកាយរបសលោក ក៏បានស្រុតចុះបន្តិចម្តងៗ ដោយបង្ហាញពីរូបរាងហត់នឿយ ដែលធ្វើឱ្យអ្នកនិយមលេងអ៊ីនធឺណិតមួយចំនួន មានការអាណិតអាសូរចំពោះរូបលោក ជាពិសេស មុនពេលការលក់ មិនសូវរលូន និងជួបពាក្យព្យាបាទ លោក Joseph Lee ក៏បានស្រក់ទឹកភ្នែកភ្លាមៗ ក្រោយការផ្សាយផ្ទាល់ ទៀតផង ដែលធ្វើឲ្យ មហាជនជាច្រើន បានចូលរួមលើកទឹកចិត្តដល់លោក ផងដែរ៕ 

ប្រភព៖ Ngoisao.vn

សូមទស្សនារូបភាពខាងក្រោម៖