ខុសប្លែកទៀត ក្រោយពេលឃើញ រូបហ្ស៊ីន របស់ សៀវ ឡុងនី ធ្វើឲ្យភ្ញាក់ផ្អើលយ៉ាងខ្លាំង

ចិន៖ ទោះជាមានរឿងរិះគន់មិនឈប់ឈរពីរូបសម្រស់ របស់ តារាស្រី Liu Yifei  ហៅ សៀវ ឡុងនី ក៏ដោយ តែនាងនៅតែមានទទួលបានការចាប់អារម្មណ៍ពីហ្វេនៗជាច្រើន ទៅលើការតាមដានគ្រប់សកម្មភាពរបស់នាង ផងដែរ។ 

ថ្មីៗនេះ ហាក់មានរឿងដ៏គួរឲ្យភ្ញាក់ផ្អើលសម្រាប់ទស្សនិកជនសារជាថ្មីហើយ បន្ទាប់ពី តារាស្រីរូបនេះ បានបង្ហាញខ្លួននៅក្នុងកម្មវិធីមួយ ខណៈពេលដែលខាងស្ទូឌីយោរបស់នាង បានចែករំលែករូបថតដែលបានកែសម្រួល បង្ហាញពីភាពស្រស់ស្អាតយ៉ាងល្អឥតខ្ចោះ ធ្វើឲ្យមនុស្សជាច្រើនបានកោតសរសើរចំពោះរូបសម្រស់របស់នាង ថែមទៀតផង។

ដោយឡែក នៅក្នុងនោះដែរ វាហាក់ដូចជាផ្ទុយពីការរំពឹងទុករបស់អ្នកទស្សនាមិនតិចនាក់ទេ ទៅលើ Liu Yifei ក្រោយពី បានឃើញរូបថតពិតរបស់នាង ដែលមានភាពខុសស្រឡះពីរូបភាពដែលបានកែសម្រួល ផងដែរ ព្រោះតាមរយៈរូបភាពទាំងនោះ នាងបានតុបតែងខ្លួនក្នុងរ៉ូបតឹង និងធ្វើឲ្យមើលឃើញពីមុខរាងមូល ព្រមទាំងមានស្នាមជ្រួញនៅត្រង់ចង្កា ថែមទៀតផង។

យ៉ាងណាមិញ ទន្ទឹមនឹងរូបថតបង្ហាញពីសម្រស់ពិតរបស់នាង មនុស្សជាច្រើនបានគិតថា តារាស្រីរូបនេះគួរតែជៀសវាង ការជ្រើសរើសសម្លៀកបំពាក់ដែលបង្ហាញស្បែកខ្លាំងពេក ផងដែរ៕

ប្រភព៖ Kenh14

សូមទស្សនារូបភាពខាងក្រោម៖