ស្ងាត់ៗ Namtarn បង្ហាញភាពផ្អែមល្ហែមជាមួយគូស្នេហ៍ក្រោយទាក់ទងជិត១០ឆ្នាំ

ថៃ៖ ទោះជាមិនសូវបានបង្ហាញច្រើនក្ដី តែសម្រាប់ តារាស្រី Namtarn និងគូស្នេហ៍ នៅតែពេញនិយមពីសំណាក់អ្នកគាំទ្រ ដែលតែងតែតាមដានយ៉ាងកៀកកិត ពីសកម្មភាពរបស់អ្នកទាំងពីរជាប្រចាំ បន្ទាប់ពីបានសាងស្នេហ៍យ៉ាងស្អិតរមួតមកទល់នឹងពេលនេះ អស់រយៈពេលជាង៩ឆ្នាំទៅហើយ។

ជាមួយគ្នានេះដែរ សម្រាប់​រូបថត​មួយ​ឈុតថ្មី​ចុង​ក្រោយ​របស់ Namtarn ថ្មីៗនេះ ហាក់កំពុងតែធ្វើឲ្យមានការជ្រួលច្របល់ពេញបណ្ដាញសង្គម ដោយបានបង្ហាញពីសកម្មភាពផ្អែមល្ហែម សម្លឹងមើលគ្នាទៅវិញទៅមក ដោយស្នាមញញឹមនិងក្ដីស្រលាញ់ រហូតដល់ហ្វេនៗកាន់តែទប់អារម្មណ៍មិនជាប់ ក៏ដូចជាបានចោទសួរថាតើនេះគឺជារូបភាព Pre-Wedding ឬយ៉ាងណា។  ។ 

យ៉ាងណាមិញ មិនថាជាអ្វីនោះទេ នេះអាចនិយាយបានថា គឺជារូបភាពដ៏ផ្អែមល្ហែមរបស់អ្នកទាំងពីរទៅហើយនិងបានធ្វើឲ្យហ្វេនៗកំពុងតែទន្ទឹងរងចាំពីថ្ងៃពិសេសរបស់អ្នកទាំងពីរ ថែមទៀត៕

ប្រភព៖ Sanook

សូមទស្សនារូបភាពខាងក្រោម៖