<p><b>រាជធានីភ្នំពេញ៖</b>ក្រោយពីមានវីដេអូលេចធ្លាយថា លោកស្រី ទ្រី ដាណា និងស្វាមីលោកស្រី ពូម៉ៅ កំពុងតែសម្តែងដើម្បីបំផុសប្រម៉ូតលក់ផលិតផលនៅលើទីផ្សារពេលនេះ លោកស្រី ទ្រី ដាណា ទម្លាយកាលពីយប់មិញនេះថា ចង្កៀងផ្ទះណា ភ្លឺផ្ទះអ្នកហ្នឹងលោកស្រី គ្មានពេលទំនេរមកធ្វើរឿងបែបហ្នឹង ហើយរឿងរ៉ាវគ្រួសាររបស់លោកស្រី មានយូរឆ្នាំហើយ​មិនមែនទើបមកលេងគ្នាឥឡូវទេ។ លោកស្រីថា លោកស្រី គ្មានពេលឬឱកាសមកហែកហួរគ្រួសារលោកស្រីនោះទេដោយលោកស្រី រវល់ខ្លាំងណាស់។</p><p>លោកស្រី បន្តថានៅពេលដែលដល់កទ្រាំលែងបាន ទើបលោកស្រី ដាច់ចិត្តទម្លាយ បញ្ហាក្នុងគ្រួសារបែបនេះ។តែយ៉ាងណា លោកស្រី បញ្ជាក់ថា របររកស៊ីលក់ដូររបស់លោកស្រី លក់ដាច់កាក់កបណាស់ ជាក់ស្តែង ហាងពេជ្រលោកស្រី លក់បានរាប់សែនដុល្លារ និងគ្រឿងក្រអូប និងអាហារបំប៉នរបស់លោកស្រី លក់បានរាប់ម៉ឺនដុល្លារដូចគ្នា មិនដល់ថ្នាក់លោកស្រីត្រូវធ្វើរឿងហែកកេរ្តិ៍គ្រួសារខ្លួនប្រាប់គេឯង ដើម្បីតែរឿងជំនួញរកស៊ីនោះទេ។ តែពេលខ្លះ ដើម្បីជម្រះមន្ទិលសង្ស័យរបស់មហាជន និង នៅពេលរងភាពអយុត្តិធម៍ លោកស្រី ក៏ត្រូវតែចេញមុខធ្វើការបកស្រាយផងដែរ កុំឱ្យមានការយល់ច្រឡំ។ ក្នុងនោះ លោកស្រី ផ្តាំថា ប្រសិនបើអ្នករស់នៅជាមួយគ្រួសារបានសុខសាន្ត រស់នៅឱ្យបានសុខទៅ កុំមកតេះដៀលលោកស្រីអី។&nbsp; លោកស្រី ថា សំណុំរឿងប្តីប្រពន្ធលោកស្រី កំពុងតែស្ថិតនៅក្នុងដៃតុលាការនៅឡើយទេ។</p><p>សូមរំលឹកផងដែរ កាលពីប៉ុន្មានថ្ងៃមុននេះលោកស្រី ទ្រី ដាណា ធ្លាប់បានទម្លាយរឿងក្នុងគ្រួសាររបស់លោកស្រី នៅលើបណ្តាញសង្គម ដោយគ្មានលាក់លៀមមួយម៉ាត់នោះទេដោយលោកស្រី បានបញ្ជាក់ថា ជម្លោះនៅក្នុងគ្រួសារនេះ មកពីខាងសាច់ថ្លៃខាងពូម៉ៅមិនដែលជួយគ្រួសារខាងស្វាមីនោះទេ។</p><p>ក្នុងនោះ លោកស្រី &nbsp;ថា​ លោកស្រី ឆ្អែតចិត្តលែងប្រាថ្នាចង់បានប្តីដូចពូម៉ៅ ហើយក៏ស្បថឈប់យកប្តីជារៀងរហូត។ លោកស្រី ទ្រី ដាណា ក៏បានចោទពូម៉ៅថាបានប្រើអំពើហិង្សាលើរូបលោកស្រី​ ថែមទៀត។</p><p>តែយ៉ាងណា ពូម៉ៅ ក៏បានចោទលោកស្រីទ្រី ដាណា ផងដែរថា មិនដែលចាត់ទុករូបលោកសំខាន់នៅក្នុងភ្នែកនោះឡើយ ពោលគឺមិនស្មើនឹងជំនួយការរបស់លោកស្រីផងហើយថែមទាំងបង្ខំឱ្យលែងចុះចេញជាមួយរថយន្តមួយគ្រឿង និងដី។</p><p>ទន្ទឹមនេះ កាលពីថ្មីៗនេះ លោកហ៊ីង បញ្ញារិទ្ធ​ ហៅ ពូម៉ៅ បានប្រាប់មហាជន​ ដោយក្តីឈឺចាប់ថា លោកស្រី ទ្រី ដាណា មិនឱ្យលោកចូលផ្ទះទៅលេងកូនៗនោះទេហើយប្រពន្ធលោក​ បានដាក់ប៉ូលិសព័ទ្ធជុំវិញផ្ទះទាំងអស់ ដោយហាមមិនឱ្យលោកចូលផ្ទះបានឡើយ។</p><p>ក្នុងនោះ នាពេលកន្លងមក លោកធ្លាប់អះអាងថាគ្រួសារមួយនេះ មានអ្វីៗដូចសព្វថ្ងៃ សុទ្ធតែមានចំណែកកម្លាំងញើសឈាម និងការលះបង់ជាច្រើនរបស់លោកតែចុងក្រោយ ទឹកចិត្តលះបង់និងការស្រលាញ់ ឥតបានការនោះទេ៕</p><figure style="text-align:center"><img src="https://cms.dmpcdn.com/article/2021/09/13/da8e9cf0-143e-11ec-b519-ab8d743313b3_original.jpg" alt="ពូម៉ៅ" style="width:100%"/><figcaption>ពូម៉ៅ</figcaption></figure><figure style="text-align:center"><img src="https://cms.dmpcdn.com/article/2021/09/13/dac16cc0-143e-11ec-b519-ab8d743313b3_original.jpg" alt="ពូម៉ៅ" style="width:100%"/><figcaption>ពូម៉ៅ</figcaption></figure><figure style="text-align:center"><img src="https://cms.dmpcdn.com/article/2021/09/13/daf3c760-143e-11ec-a087-ef70bf4c143b_original.jpg" alt="ពូម៉ៅ" style="width:100%"/><figcaption>ពូម៉ៅ</figcaption></figure><figure style="text-align:center"><img src="https://cms.dmpcdn.com/article/2021/09/13/db36c3d0-143e-11ec-a087-ef70bf4c143b_original.jpg" alt="ពូម៉ៅ និងលោកស្រី ទ្រី ដាណា" style="width:100%"/><figcaption>ពូម៉ៅ និងលោកស្រី ទ្រី ដាណា</figcaption></figure><figure style="text-align:center"><img src="https://cms.dmpcdn.com/article/2021/09/13/db72bb60-143e-11ec-b519-ab8d743313b3_original.jpg" alt="ពូម៉ៅ និងលោកស្រី ទ្រី ដាណា" style="width:100%"/><figcaption>ពូម៉ៅ និងលោកស្រី ទ្រី ដាណា</figcaption></figure><figure style="text-align:center"><img src="https://cms.dmpcdn.com/article/2021/09/13/dba934b0-143e-11ec-a087-ef70bf4c143b_original.jpg" alt="ពូម៉ៅ និងលោកស្រី ទ្រី ដាណា" style="width:100%"/><figcaption>ពូម៉ៅ និងលោកស្រី ទ្រី ដាណា</figcaption></figure><figure style="text-align:center"><img src="https://cms.dmpcdn.com/article/2021/09/13/dbe02330-143e-11ec-a087-ef70bf4c143b_original.jpg" alt="លោកស្រី ទ្រី ដាណា" style="width:100%"/><figcaption>លោកស្រី ទ្រី ដាណា</figcaption></figure><figure style="text-align:center"><img src="https://cms.dmpcdn.com/article/2021/09/13/dc24f460-143e-11ec-a087-ef70bf4c143b_original.jpg" alt="លោកស្រី ទ្រី ដាណា" style="width:100%"/><figcaption>លោកស្រី ទ្រី ដាណា</figcaption></figure><figure style="text-align:center"><img src="https://cms.dmpcdn.com/article/2021/09/13/dc8e8ba0-143e-11ec-a087-ef70bf4c143b_original.jpg" alt="លោកស្រី ទ្រី ដាណា" style="width:100%"/><figcaption>លោកស្រី ទ្រី ដាណា</figcaption></figure><figure style="text-align:center"><img src="https://cms.dmpcdn.com/article/2021/09/13/dd060590-143e-11ec-a087-ef70bf4c143b_original.jpg" alt="លោកស្រី ទ្រី ដាណា" style="width:100%"/><figcaption>លោកស្រី ទ្រី ដាណា</figcaption></figure><div style="text-align:center"><div style="width:100%;position:relative;padding-bottom:56.25%;height:0px"><iframe style="position:absolute;top:0;left:0;width:100%;height:100%" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.facebook.com/plugins/video.php?href=https://www.facebook.com/DanaTryKH/videos/1621874408157974&amp;show_text=false"></iframe></div><i>វីដេអូលោកស្រី ទ្រី ដាណា</i></div>

មានប៉ុណ្ណឹងហើយ នៅតែគ្មានក្តីសុខ? លោកស្រី ទ្រី ដាណា ថាការ បែកបាក់រឿងគ្រួសារគាត់ មិនមែនសម្តែងឡើយ (មានវីដេអូ)