គ្រាន់ចូលឆ្នាំ២០២២ភ្លាម តារាកូរ៉េ ជាច្រើនគូនឹងចូលរោងការ

កម្សាន្ត៖ ឈានចូលដល់ឆ្នាំថ្មី ២០២២ មានដំណឹងល្អពីតារាកូរ៉េជាច្រើនគូដែលនឹងប្រកាសចូលរោងការជាមួយគូស្នេហ៍របស់ខ្លួន។ ក្នុងនោះ គូខ្លះបានស្រលាញ់គ្នារាប់ឆ្នាំហើយ ទើបនឹងយល់ចិត្តគ្នាក៏សម្រេចចិត្តនឹងរៀបការរួមរស់នៅជាមួយគ្នាអស់មួយជីវិត។

យោងទៅតាម KBIZoom បានឲ្យដឹងថា តារាកូរ៉េ៥គូ ដែលហ្វេនៗរងចាំមើលថានឹងបានរៀបការនៅក្នុងឆ្នាំ២០២២នេះ។ ជាពិសេស Hyun Bin និង Son Ye Jin ដែលពួកគេទើបនឹងបង្ហាញពីទំនាក់ទំនងស្នេហាកាលពីដើមឆ្នាំ២០២១កន្លងទៅ ហើយនៅឆ្នាំនេះ ហ្វេនរំពឹងថានឹងមានដំណឹងចូលរោងការម្ដងទៀត។

ជាមួយគ្នានេះដែរ តារាសម្ដែងប្រុស Choi Tae Joon និង Park Shin Hye មានដំណឹងថានឹងចូលរោងការក្នុងពេលឆាប់ៗនេះ ដោយខាងស្រីប្រកាសថាមានផ្ទៃពោះ ដែលធ្វើឲ្យមហាជនជាច្រើនមានការភ្ញាក់ផ្អើលជាខ្លាំង ហើយក៏មានការចូលរួមអបអរពីអ្នកគាំទ្រផងដែរ៕

ប្រភព៖ toplistkdrama.com

សូមទស្សនារូបភាពគូស្នេហ៍៥គូដែលគេរំពឹងថានឹងចូលរោងការក្នុងឆ្នាំថ្មីនេះ៖ 

១. Hyun Bin និង Son Ye Jin

២. Park Shin Hye និង Choi Tae Joon 

៣. Sooyoung (SNSD) និង Jung Kyung Ho

៤. Lee Sun Bin​ និង Lee Kwang Soo

៥. Kim Woo Bin និង Shin Min Ah