អ្នកណាដឹងថា លីកា កំពុងទម្ងន់ មើលស្បែកមុខញាក់

ភ្នំពេញ៖ ដូចដែរអ្នកគាំទ្របានដឹងហើយថា អ្នកនាង លីកា សមាជិកក្រុម2Themoon បានទទួលការចាប់អារម្មណ៍ពេញបណ្តាញហ្វេសប៊ុក ក្រោយពីរូបនាងបានបញ្ចប់ភាពនៅលីវរបស់ខ្លួន រៀបការមានស្វាមី កាលពីថ្ងៃទី ៣០ ខែមករា ឆ្នាំ២០២២ កន្លងទៅ។

ជាងនេះទៅទៀត បន្ទាប់ពីនោះនាងក៏ទទួលបានចំណងដៃអាពាហ៍ពិពាហ៍ដ៏ធំក្នុងជីវិត គឺកំពុងពោពោះកូនក្នុងផ្ទៃ។ ប៉ុន្តែអ្វីដែលធ្វើឲ្យ ហ្វេនៗកាន់តែចាប់អារម្មណ៍នោះគឺ សម្រស់អ្នកម៉ាក់វ័យក្មេងរូបនេះតែម្ដង ពោលគឺ លីកា នៅតែមានសម្រស់ស្រស់ស្អាត ជាពិសេសគឺសាច់ដ៏ភ្លឺរលោងម៉ដ្ឋខៃ ថែមទាំងស្បែកមុខភ្លឺរលោង សឹងតែស្រមោចវារជ្រុះ ដូចមិនមែនអ្នកទម្ងន់សោះ។

ជាមួយគ្នានេះ ក្រោយឃើញដូច្នេះ មានអ្នកទស្សនាជាច្រើនបានចូលទៅខមិនសរសើរតារាស្រីរូបនេះមិនដាច់ពីមាត់ ជាមួយនឹងការពូកែក្នុងការថែរក្សាសម្រស់ឲ្យនៅតែផូរផង់បែបនេះ៕

សូមទស្សនារូបភាពខាងក្រោម៖