ពិតឬក្លែងក្លាយ? ហ្វេនចាប់បាន រាល់រូបថតរបស់ V និង Jennie សុទ្ធនៅកន្លែងតែមួយ

កម្សាន្ត ÷ ដូចគ្រប់គ្នាបានដឹងហើយថាពាក្យចចាមអារ៉ាមស្នេហា តារា Kpop ប្រុសស្រីល្បីឈ្មោះV និង Jennie មានជាងមួយខែហើយតាំងពីរូបទី១ បែកធ្លាយរូបមកដល់រូបជាច្រើនទៀតជាបន្តបន្ទាប់ គឺនៅតែមិនមានការឆ្លើយតបពីផលិតកម្មរបស់ពួកគេទាំងពីរ គឺ HYBE Labels និង YG Entertainment នោះទេ។

ហើយនាពេលបច្ចុប្បន្ននេះគឺនៅតែមិនទាន់ច្បាស់ ១០០ភាគរយនោះទេថា តើរូបថតទាំងនោះពិតឬអត់ ប៉ុន្តែ ARMYs និង BLINKs ​ជា​ច្រើន​កំពុង​ការពារ​សិទ្ធិសេរីភាពឯកជន ​របស់ Jennie និង V ឲ្យពួកគេរស់នៅដោយសារី។

ដោយហេតុថាពាក្យ​ចចាមអារ៉ាម​ បាន​កើត​ចេញ​ពី​រូប​ថត​ថ្មីៗដែលបែក​ធ្លាយរបស់​អ្នក​ទាំង​ពីរ​ នៅ​ជាមួយ​គ្នា​ច្រើន​ដង ទាំងជិះឡានជាមួយគ្នានិងនៅផ្ទះជាមួយគ្នាជាដើម ដូចនេះអ្នកគាំទ្រជាច្រើន បានយកវាមកស៊ើបអង្កេតលើភស្តុតាងថ្មីៗដោយសង្ឃឹមថានឹងការពារ V និង Jennie និងលុបបំបាត់ពាក្យចចាមអារ៉ាមមិនពិត។

ជ្រាបច្បាស់សូមទស្សនារូបភាព និងការរៀបរាប់ខាងក្រោម ÷

១. រូបថតដែលថា អ្នកទាំងពីរទៅកោះ Jeju ជាមួយគ្នា

ពាក្យចចាមអារ៉ាមរបស់ V និង Jennie បានចាប់ផ្តើមនៅក្នុងខែធ្នូ ឆ្នាំ ២០២១ បន្ទាប់ពី V បានចុច Follow គណនី Instagram របស់ Jennie ដោយចៃដន្យ រហូតដល់ខែឧសភា ឆ្នាំ ២០២២ នៅពេលដែល ប្រព័ន្ធផ្សព្វផ្សាយកូរ៉េជាច្រើន បានរាយការណ៍ថា តារាទាំងពីរ បានចំណាយពេលជាមួយគ្នានៅលើកោះ Jeju ដែលជាកន្លែងវិស្សមកាល ដ៏ពេញនិយមសម្រាប់គូស្នេហ៍ មិត្តភក្តិ ក្រុមគ្រួសារ និង ភ្ញៀវទេសចរ។

ខណៈពេលដែលមហាជន កំពុងរង់ចាំសេចក្តីថ្លែងការណ៍ផ្លូវការពីផលិតកម្ម អ្នកគាំទ្របានយករូបនោះមកវិភាគ ហើយ ARMYs ក៏បានចង្អុលបង្ហាញពីភាពស្រដៀងគ្នា រវាងរូបថតរថយន្ត និងឈុតឆាកដែល V និង J-Hope មាន ពីក្នុងវិស្សមកាលរបស់ BTS គឺ BTS In the SOOP ខណ: BLINKs ក៏បានចង្អុលបង្ហាញថា ស្ត្រីនៅក្នុងរូបថតកំពុងពាក់វ៉ែនតា GENTLE MONSTER គឺដូចរបស់ Jennie ប៉ុន្តែពណ៌សក់របស់នាង មិនត្រូវគ្នានឹងពណ៌ដែល Jennie មាននៅពេលទៅលេងកោះ Jeju នោះទេ។

២. រូបថត Mirror Selfie នៅក្រោយឆាក

យ៉ាងណាមិញ រូបបន្ទាប់ដែលបែកធ្លាយគឺ មិនដូចរូបថតកោះ Jeju ទេ អ្នកគាំទ្រមិនអាចរកឃើញភ្លាមៗ នូវរូបថតដែលមានស្រាប់របស់ V និង Jennie ដើម្បីបដិសេធថារូបនេះបានកាត់តនោះទេ ហើយក៏មានអ្នកគាំទ្រមួយចំនួនបានសង្ស័យថា រូបថត Selfie នេះ គឺជារូបថតណាត់ជួបពិតៗ ដែលត្រូវបានបែកធ្លាយចេញពី ទូរស័ព្ទរបស់ Jennie។

ទោះជាយ៉ាងណាក៏ដោយ ដូចដែលអ្នកនិយមលេងអ៊ីនធើណែតមួយចំនួន បានចង្អុលបង្ហាញថាទាំង Jennie និង V ទាំងពីរនាក់នៅក្នុងទីក្រុង Los Angeles ក្នុងពេលតែមួយ តែមិនបានពាក់គ្រឿងអលង្ការ ដែលឃើញនៅក្នុងរូបថត ដូចដែលត្រូវបានចោទប្រកាន់ទោះទេ។

៣. រូបថតអ្នកទាំងពីរនៅ ផ្ទះល្វែងរបស់ V

ចំណែករូបទី ៣ គឺ រូបអ្នកទាំងពីរថតនៅផ្ទះ ហើយ Jennie និង V ក៏បានស្លៀកពាក់ខោអាវបែបសាមញ្ញៗ ដូចជាកំពុងនៅជាមួយគ្នា ពិសេសផ្ទៃខាងក្រោយជាច្រើននៃរូបនេះ មានលក្ខពណ:ដូចគ្នាច្រើន ទៅនឹងរូបដែល V ធ្លាប់បង្ហោះនៅលើគណនី Instagram របស់លោក។

ហើយជាថ្មីម្តងទៀត អ្នកគាំទ្របានព្យាយាមរកទីតាំងរូបថតដើម ដើម្បីបញ្ចាក់ថា រូបនេះពិតឬមិនពិត ក្រោយមកនៅក្នុងអត្ថបទលម្អិត អ្នកប្រើប្រាស់ Twitter ម្នាក់បានអះអាងថា ផ្ទាំងរូបភាពដើម ត្រូវបានកែសម្រួលដើម្បីរកប្រាក់ចំណេញពីនរណាម្នាក់ ដូច្នេះពួកគេ នៅតែជឿថារូបនេះ មានការកែសម្រួល។

៤. ស្រមោលនៅក្នុងប៉េងប៉ោងរបស់ Jennie

កាលពីដើមសប្តាហ៍នេះ Jennie បានចែករំលែករូបថតអំណោយ ដែលនាងទទួលបានពី Hera Beauty រួមទាំងប៉េងប៉ោងផងដែរ ហើយមុនពេលបង្ហោះ Jennie បានកែសម្រួលផ្ទៃខាងក្រោយ ដោយបិទបាំងទីតាំងរបស់នាង។

ទោះជាយ៉ាងណា ប៉េងប៉ោងនៅខាងឆ្វេងបានឆ្លុះបញ្ចាំង ពីអ្វីដែល អ្នកនិយមលេងអ៊ីនធើណែតមួយចំនួន ជឿថា អាចជាផ្ទះល្វែងរបស់ V ហើយចាប់តាំងពីពេលនោះមក អ្នកគាំទ្របានប្រៀបធៀបព័ត៌មានលម្អិត ពីការឆ្លុះបញ្ចាំងនៃស្រមោលនៅលើប៉េងប៉ោង ទៅនឹងផ្ទះល្វែងរបស់ V ឃើញថាដូចគ្នាច្រើន តែក្រោយមកមិនយូរ Jennie ក៏បានលុបការបង្ហោះនោះចេញ៕

ប្រភព : Koreaboo