ធ្លាប់តែសរសើរ ពេលនេះ Jennie ត្រូវគេរិះ..គ..ន់.ខ្លាំងៗ រឿងស្លៀកពាក់មិនសមរម្យ

កូរ៉េខាងត្បូង៖ ដូចដែលបានដឹងហើយថា ក្រុមតារាចម្រៀងស្រី BLACKPINK កំពុងធ្វើទេសចរណ៍ពិភពលោក Born Pink ដែលតារា​ស្រី​ទាំង​បួន​នាក់នេះ កំពុង​ទទួល​បាន​ការ​គាំទ្រ ពី​ហ្វេនៗគ្រប់​ទីកន្លែង​ដែល​ពួកគេ​ទៅ។ តែទោះជាយ៉ាងណា ក្រៅពីការសរសើរនោះ ក៏នៅមានរឿងចម្រូងចម្រាស លើអ៊ីនធឺណែត ជុំវិញនឹងឈុតសិ.ច.ស៊ី ក៏ដូចជា ក្បាច់រាំដែល Jennie បានបង្ហាញនៅក្នុងកម្មវិធីមួយ។

ក្នុងនោះដែរ យោងតាមគេហទំព័រ Koreaboo បានលើកឡើងថា ការប្រគុំតន្ត្រីរបស់ BLACKPINK ដែលធ្វើឡើងនៅទីក្រុងប៉ារីស (ប្រទេសបារាំង) ពីវីដេអូដែលថតដោយអ្នកគាំទ្រនៃការសម្តែងរបស់ Jennie នៅចុងបញ្ចប់នៃកម្មវិធី ត្រូវបានចែករំលែកយ៉ាងទូលំទូលាយ នៅលើបណ្តាញសង្គម ព្រមទាំងទទួលបានមតិអវិជ្ជមានជាច្រើន ខណៈដែលនៅក្នុងនោះ តារាស្រី Jennie បានបង្ហាញខ្លួន ពាក់​អាវទ្រ.នា.ប់​ ជាមួយ​នឹង​សំពត់​ខ្លី ហើយ មុន​ពេលឆាក​បិទ Jennie ក៏​បាន​សម្ដែង​ក្បាច់​រាំ​យ៉ាងញា.ក់​សា.ច់ ថែមទៀត។

យ៉ាងណាមិញ នៅលើវេទិការ ក៏ដូចជា បណ្តាញសង្គមកូរ៉េជាច្រើននោះ វីដេអូនេះ បានទទួលនូវមតិអវិជ្ជមានយ៉ាងខ្លាំង ដែលភាគច្រើននៃការរិះគន់ចំៗ គឺទៅកាន់ តារាស្រីJennie ថា តារាចម្រៀងស្រីរូបនេះ ស្លៀកពាក់ជ្រុលហួសហេតុ ខុសពីទំនៀមទម្លាប់ដ៏ល្អ៕

ប្រភព៖ Kenh14

សូមទស្សនារូ​បភាពខាងក្រោម៖