តួចិត្តអាក្រក់ក្នុងរឿង Squid Game សារភាពថា ជំងឺខ្លាចសង្គម ក្រោយល្បីល្បាញ

កម្សាន្ត៖ ជាការពិតណាស់ ប្រិយមិត្តប្រាកដជាស្គាល់លោក Heo Sung Tae ដែលជាតួអង្គចិត្តអាក្រក់ក្នុងរឿង Squid Game រួចមកហើយ ដោយតារាប្រុសនេះ មានភាពល្បីល្បាញជាខ្លាំងមិនចាញ់តារាសម្ដែងដ៏ទៃនោះទេ។

ទន្ទឹមនឹងទទួលបានការគាំទ្រលឿនក្នុងរយៈពេលខ្លីនេះ បានធ្វើឲ្យលោកមានការពិបាកក្នុងការសម្របខ្លួន។ លើសពីនោះ Heo Sung Tae បានសារភាពនៅក្នុងកិច្ចសម្ភាសន៍មួយថា ខ្លួនវិវដ្ដន៍ជម្ងឺភ័យខ្លាចសង្គម ពោលគឺខ្លាចនឹងប្រឈមមុខមនុស្សនេះឯង។

មិនតែប៉ុណ្ណោះ លោកមិនអាចគ្រប់គ្រងវាបាន ដល់ថ្នាក់បដិសេធមិនថតរឿងភាគមួយទៀតផង។ ដោយឡែក តារាប្រុសរូបនេះ បានបន្ដថា លោកបានធូរស្រាលជាងមុនហើយ ដោយមានការជួយអំពី អ្នកដឹកនាំរឿងម្នាក់។

ចំណែកឯ ពេលនេះ តារាសម្ដែងរូបនេះ បានកំពុងនឹងបន្ដការងារសិល្បៈខ្លួនបានយ៉ាងរលូន ហើយលោកក៏មាមវត្តមាននៅក្នុងរឿង Bloody Heart ដែលជាខ្សែភាពយន្ដភាគបែបសម័យបុរាណផងដែរ៕ 

ប្រភព៖ allkpop