ធំប៉ុណ្ណឹងហើយ Andy Lau សុខចិត្តជួលអ្នកមើលថែដល់ទៅ​៤នាក់ឲ្យកូនស្រី

ហុងកុង៖ កាលពីនៅថ្ងៃទី ២៧ ខែកក្កដាកន្លងទៅនេះ យោងតាមប្រភពមួយបានឲ្យបង្ហាញថា ភរិយារបស់ តារាប្រុស លោក Andy Lau បាននាំកូនស្រីរបស់ខ្លួន ទៅលេងកម្សាន្តនៅ Hong Kong Disneyland ហើយនេះជា ពេលវេលាដ៏កម្រមួយ ដែលប្រព័ន្ធផ្សព្វផ្សាយបានថតរូបភាព ភរិយា និងកូនរបស់តារាសម្ដែងរូបនេះ នៅកន្លែងសាធារណៈ។

តែអ្វីដែលគួរឲ្យយកចិត្តដាក់ នៅក្នុងនោះគឺតាមរយៈ អ្នកប្រមា.ញ់រូបភាព បានឲ្យដឹងថា ភរិយា និងកូនស្រី ត្រូវបានអមដំណើរដោយ អ្នកមើលថែ និងអង្គរក្សចំនួន ៤ នាក់ ខណៈដែលភរិយារបស់លោកបានតុបតែងខ្លួន ស្លៀកសំលៀកបំពាក់បែបសាមញ្ញ ផងដែរ។

ជាពិសេស គេដឹងទៀតថា កូនស្រីរបស់ Andy Lau មានអាយុ ១០ ឆ្នាំទៅហើយ តែមានកំពស់ខ្ពស់ឈរស្មើម្តាយ និងត្រូវបានគេលើកឡើងថា ​មាន​ភ្នែក និង​ចិញ្ចើម​ដូច​ឪពុក​នាង ទៀតផង។ យ៉ាងណាមិញ នៅក្នុងការកម្សាន្តនេះ មិនមានវត្តមាន លោក Andy Lau ឡើយ ដោយសារតែរូបលោកជាប់រវល់នឹងការថតរឿង៕

ប្រភព៖ Zingnews

សូមទស្សនារូបភាពខាងក្រោម៖