រាជធានីភ្នំពេញ៖&nbsp;ពិតណាស់ តារាចម្រៀងប្រចាំផលិតកម្មថោន ករុណា ពេជ្រ ដែលកំពុងតែមានទុក្ខធំជាទម្ងន់ ក្រៅពីចំណាយពេលដើម្បីមើលថែទាំឪពុកដែលមានជំងឺលើសឈាម និងដាច់សរសៃឈាមខួរក្បាល ដែលសម្រាកនៅតែលើគ្រែប៉ុណ្ណោះ ស្រាប់ពេលថ្មីៗនេះបានលេចលឺព័ត៍មានថា ម្តាយលោក ករុណា ពេជ្រ កំពុងតែជួបទុក្ខធំផងដែរ។ក្នុងនោះ កាលពីថ្ងៃទី០១ ខែសីហាឆ្នាំ២០២១កន្លងទៅនេះ លោក ករុណា ពេជ្រ ក៏បានសរសេរសារនៅលើបណ្តាញសង្គមភ្ជាប់ជាមួយរូបអ្នកម្តាយកំពុងតែសម្រាកនៅលើគ្រែព្យាបាលជំងឺនៅក្នុងប្រទេសបារាំង។លោកសរសេរដូច្នេះថា៖ <blockquote><aside>សូមទេវតា តាមថែរក្សាម៉ែខ្ញុំផង សូមឱ្យម៉ែឆាប់ជា។</aside><label>— ករុណា ពេជ្រ</label></blockquote>បើតាម លោក ករុណា ពេជ្រ ថ្លែងប្រាប់សារព័ត៍មានក្នុងស្រុកមួយ បានបញ្ជាក់ថាកាលពីថ្ងៃសៅរ៍កន្លងទៅម្ដាយរបស់លោកស្រាប់នៅសុខៗ មានអាការៈចុកមួយចំហៀងខ្លួន ហើយដៃជើងទៅជាកម្រើកលែងកើតទាញភ្នែកទាញមាត់ រហូតដល់ដើរក៏លែងរួច ក៏បានហៅរថយន្តសង្គ្រោះបន្ទាន់ដើម្បីយកគាត់ទៅកាន់មន្ទីរពេទ្យ។ មកទល់ពេលនេះ គឺផ្នែកមួយចំហៀងខ្លួនខាងឆ្វេងម្តាយរបស់លោក កម្រើកលែងរួចទាំងដៃនិងជើង និងទាញផ្ទៃមុខម្ខាងផងដែរ។ជាមួយគ្នានេះ តារារូបនេះបានឱ្យដឹងទៀតថា ម្ដាយរបស់លោក គឺត្រូវគ្រូពេទ្យ ឲ្យសម្រាកព្យាបាលរយៈពេល២សប្ដាហ៍ ទៅ១ខែ ដើម្បីពិនិត្យស្ថានភាពជំងឺជារៀងរាល់ថ្ងៃ ហើយនៅល្ងាចថ្ងៃទី០៣ ខែសីហា នេះទើបក្រុមគ្រូពេទ្យប្រាប់ពីស្ថានភាពជំងឺបន្ថែមទៀតហើយលោកក៏កំពុងទន្ទឹងរង់ចាំមើលពីលទ្ធផលដូចគ្នា។&nbsp;ជាធម្មតាក្នុងនាមជាកូន លោកតែងតែព្រួយបារម្ភខ្លាំង មិនថានៅឆ្ងាយពីគ្នានោះទេ នៅពេលដែលម្ដាយមានជំងឺ ហើយចូលមន្ទីរពេទ្យសង្គ្រោះបន្ទាន់បែបនេះ ប៉ុន្តែលោកបានឱ្យដឹងថានៅប្រទេសបារាំង ក៏មានអ្នកមើលថែម្ដាយរបស់ហើយដែរ (ឪពុកចុង)ហើយគ្រូពេទ្យនៅទីនោះក៏ពូកែៗទៀត។ តែយ៉ាងណា ប្រសិនជាម្ដាយរបស់លោកមានជំងឺហើយឈឺនៅក្នុងប្រទេសកម្ពុជាវិញ គឺច្បាស់ជាលំបាកខ្លាំងហើយព្រោះលោកត្រូវមើលថែឪពុកដែលដេកនៅមួយកន្លែងផង និងមើលថែម្ដាយថែមម្នាក់ទៀត៕ប្រភព៖ FN<figure style="text-align:center"><img src="https://cms.dmpcdn.com/article/2021/08/03/f48fd930-f449-11eb-9eff-7bf613903dbc_original.jpg" alt="តារាចម្រៀង ករុណា ពេជ្រ" style="width:100%"/><figcaption>តារាចម្រៀង ករុណា ពេជ្រ</figcaption></figure><figure style="text-align:center"><img src="https://cms.dmpcdn.com/article/2021/08/03/f56fb1e0-f449-11eb-9eff-7bf613903dbc_original.jpg" alt="តារាចម្រៀង ករុណា ពេជ្រ" style="width:100%"/><figcaption>តារាចម្រៀង ករុណា ពេជ្រ</figcaption></figure><figure style="text-align:center"><img src="https://cms.dmpcdn.com/article/2021/08/03/f5b3bfc0-f449-11eb-bc5c-f76a95ced26a_original.jpg" alt="តារាចម្រៀង ករុណា ពេជ្រ" style="width:100%"/><figcaption>តារាចម្រៀង ករុណា ពេជ្រ</figcaption></figure><figure style="text-align:center"><img src="https://cms.dmpcdn.com/article/2021/08/03/f62f3150-f449-11eb-bc5c-f76a95ced26a_original.jpg" alt="តារាចម្រៀង ករុណា ពេជ្រ" style="width:100%"/><figcaption>តារាចម្រៀង ករុណា ពេជ្រ</figcaption></figure><figure style="text-align:center"><img src="https://cms.dmpcdn.com/article/2021/08/03/f6727be0-f449-11eb-9eff-7bf613903dbc_original.jpg" alt="តារាចម្រៀង ករុណា ពេជ្រ" style="width:100%"/><figcaption>តារាចម្រៀង ករុណា ពេជ្រ</figcaption></figure><figure style="text-align:center"><img src="https://cms.dmpcdn.com/article/2021/08/03/f6b4b500-f449-11eb-bc5c-f76a95ced26a_original.jpg" alt="ឪពុក&amp;nbsp;តារាចម្រៀង ករុណា ពេជ្រ" style="width:100%"/><figcaption>ឪពុក&nbsp;តារាចម្រៀង ករុណា ពេជ្រ</figcaption></figure><figure style="text-align:center"><img src="https://cms.dmpcdn.com/article/2021/08/03/f6fe6830-f449-11eb-9eff-7bf613903dbc_original.jpg" alt="អ្នកម្តាយ តារាចម្រៀង ករុណា ពេជ្រ" style="width:100%"/><figcaption>អ្នកម្តាយ តារាចម្រៀង ករុណា ពេជ្រ</figcaption></figure>

ទុក្ខជាន់ទុក្ខ! ឪពុក ករុណា ពេជ្រ មានជំងឺស្លាប់មួយចំហៀងខ្លួន ឥឡូវម្តាយកំពុងសង្គ្រោះបន្ទាន់ ក្នុងមន្ទីរពេទ្យប្រទេសបារាំង