ក្រោយសម្រាកមួយរយៈ មិននឹកស្មានថា​​ Jeong Yeon ប្លែកដល់ថ្នាក់នេះ

កម្សាន្ត៖ កាលពីខែសីហា កន្លងទៅនេះ ផលិតកម្ម JYP Entertainment បានប្រកាសផ្អាកសកម្មភាពសិល្បៈរបស់ Jeong Yeon សមាជិកក្រុម Twice មួយរយៈ ដោយមូលហេតុនាងមានបញ្ហាថប់អារម្មណ៍ផ្លូវចិត្ត។ ក្រោយសម្រាកអស់រយៈពេលជិត៣ខែ ហ្វេនៗមានការភ្ញាក់ផ្អើលជាខ្លាំងក្រោយឃើញសភាពរូបរាងរបស់ Jeong Yeon ប្រែប្រួលដល់ថ្នាក់នេះ។

 យោងទៅតាមប្រភពបានឲ្យដឹងថា Jeong Yeon តែងតែមានអារម្មណ៍ភិតភ័យស្លន់ស្លោរ នៅពេលឡើងឆាកម្ដងៗ រហូតធ្វើឲ្យនាងផ្អាកសកម្មភាពជាបណ្ដោះអាសន្ននេះឯង។ ក្រោយមកអ្នកលេងបណ្ដាញសង្គមបានក្រោយឃើញរូបថតរបស់ Jeong Yeon ដែលរូបរាងនាងមានសភាពឡើងសាច់ជាងមុនខុសដាច់ពីពេលមុន ធ្វើឲ្យមហាជនមានការព្រួយបារម្ភពីសុខភាពផ្លូវចិត្តរបស់នាង។

តារាចម្រៀង Jeong Yeon បានសម្រាកពីសិល្បៈ ដើម្បីមើលថែសុខភាពផ្លូវអារម្មណ៍របស់នាងអស់រយៈពេលជិត៣ខែមកហើយ មិនតែប៉ុណ្ណោះនាងបានប្រែប្រួលរូបរាងឡើងទម្ងន់ជាខ្លាំង ដោយសារនាងទទួលសម្ពាធពីជម្ងឺផ្លូវចិត្តរបស់នាង។ តែទោះបីជាយ៉ាងណាក៏ដោយ អ្នកគាំទ្ររបស់នាងនៅចាំលើកទឹកចិត្តនិងរងចាំការជាសះស្បើយដើម្បីត្រលប់មកក្នុងក្រុម Twice សារជាថ្មី៕

ប្រភព៖ តារាខ្មែរ តារាថៃ តារាកូរ៉េ