កម្សាន្ត៖ ជាការពិតណាស់ តារាចម្រៀងស្រី Lisa សមាជិកក្រុម Blackpink កំពុងតែទទួលបានការចាប់អារម្មណ៍ជាខ្លាំងទៅលើស្ទាយ៍ខ្លួនរបស់នាង។ ជាពិសេស ថ្មីៗនេះ នាងបានធ្វើឲ្យផ្ទុះនៅក្នុងបណ្ដាញសង្គមទៀតហើយ ជាមួយនឹងការតែងខ្លួនដ៏សាមញ្ញ តែមានភាពទាក់ទាញ។
ទន្ទឹមនឹងនោះ អ្នកគាំទ្រដែលបានឈរចាំជូនដំណើរ Lisa ឡើងឡាន បានថតប្រមាញ់រូបប៉ុន្មានសន្លឹក ចែករំលែកនៅក្នុងអ៉ិនធើណែត។ នៅក្នុងនោះ តារារ៉េបរូបនេះ មិនបានតែងខ្លួនច្រើនទេ នាងគ្រាន់តែពាក់ អាវកាក់ពណ៌ខ្មៅស្ទើង ជាមួយនឹង ខោក្រណាត់ពណ៌ប្រផេះ ធម្មតាៗប៉ុណ្ណោះ ប៉ុន្ដែទាក់ភ្នែកហ្វេនជាខ្លាំង។
អ្វីដែលធ្វើឲ្យហ្វេនស្រឡាំងកាំងទៀតនោះគឺ ម្ចាស់បទ Money រូបនេះ បានប្ដូរម៉ូតសក់ទៅជាពណ៌ខ្មៅវិញ អមជាមួយសក់សេះ ដែលជាស្ទាយ៍ប្រចាំខ្លួនផងនោះ Lisa កាន់តែស្រស់ស្អាត។ គួរបញ្ជាក់ផងដែរ សមាជិកក្រុម Blackpink ទាំងអស់ កំពុងតែស្ថិតនៅក្នុងទីក្រុងញូវយ៉ក ប៉ុន្ដែថាទៅធ្វើអ្វីនោះ គឺនៅមិនទាន់ដឹងនៅឡើយទេ៕
ប្រភព៖ Twitter