កូនក្រមុំកន្លះផែនដីហើយ បើ Yeonjun ស្លៀកឈុតបែបនេះដូចត្រៀមចូលរោងការ

កម្សាន្ត៖ ថ្មីៗនេះ តារាចម្រៀងប្រុស Yeonjun ដែលជាសមាជិកក្រុម TXT កំពុងតែពង្វក់ចិត្តអ្នកគាំទ្រ ពេញបណ្ដាញសង្គម ជាមួយនឹងការតែងខ្លួនដូចកូនកម្លោះ។ ជាមួយគ្នានេះដែរ តារាប្រុសរូបនេះ បានធ្វើឲ្យកូនក្រមុំជិតកន្លះពិភពលោក រត់ចោលរោងការទៅរកខ្លួនដែលស្លៀកឈុតកូនកម្លោះឯកាបែបនេះ។

នៅក្នុងនោះ Yeonjun បានស្លៀកឈុត ពណ៌ខ្មៅ មានពាក់បូនឹងក ថែមជាមួយនឹងម៉ូតសក់សមនឹងមុខទៀត កាន់តែមានភាពទាក់ទាញជាខ្លាំង។ មិនតែប៉ុណ្ណោះ តារាប្រុសនេះ បានឈរថតមុខស្មើមិនញញឹមសោះ ហាក់ដូចជាកំពុងត្រូវកូនក្រមុំរត់ចោលអញ្ចឹងដែរ។

ម៉្យាងទៀត Yeonjun ទើបតែបានធ្វើឲ្យកក្រើកបណ្ដាញសង្គមកាលពីពេលថ្មីៗកន្លងទៅនេះ ដោយខ្លួនជាសមាជិកដំបូងរបស់ TXT ដែលបើកគណនី Instagram ផងដែរ។ ទន្ទឹមនឹងនោះ អ្នកគាំទ្រមានការរំភើប ដោយនាំគ្នាចូលទៅចុច​ Follow គណនី Yeonjun រាប់លាននាក់៕

ប្រភព៖ KStarLive