កុំឲ្យគេថាពឹងខាងស្រី DJ Koo ទិញផ្ទះ តម្លៃជិតមួយលានដុល្លារឲ្យប្រពន្ធ

តៃវ៉ាន់៖ នៅថ្ងៃទី ៦ ខែធ្នូនេះ យោងតាមគេហទំព័រ ETtoday បានរាយការណ៍ថា លោក Koo Jun Yup (DJ Koo) កំពុងស្វែងរកទិញផ្ទះថ្មី បន្ទាប់ពី រូបលោកត្រូវបានចំអកពីអតីតស្វាមីរបស់ភរិយា តារាស្រី Barbie Hsu ។

ក្នុងនោះដែរ ខាងភ្នាក់ងារអចលនៈទ្រព្យបានឲ្យដឹងថា ថ្មីៗនេះ តារាចម្រៀងប្រុសកូរ៉េរូបនេះ បានទៅមើលអាផាតមិនដ៏ប្រណិតមួយកន្លែង ដែលមានផ្ទៃដី ១២០ម៉ែត្រការ៉េ មានបន្ទប់ទទួលភ្ញៀវ២ បន្ទប់គេង២ បន្ទប់ទឹក១ និងមានយ៉រ។ ហើយអចលនទ្រព្យនេះ គឺនៅជិតផ្ទះ របស់ Barbie Hsu ក៏ដូចជាមានភាព ងាយស្រួល ក្នុងការផ្លាស់ទី។

ដោយឡែក ដោយ​សារ​តែ អាផាតមិនមួយ​នេះ ​ត្រូវ​បាន​គេ​ប្រើ​ប្រាស់រួចហើយ ទើប​តម្លៃ​លក់​បច្ចុប្បន្ន​គឺ ​ប្រហែលប្រមាណ ៣០ លាន TWD (៩៨១០០០ ដុល្លារ)។ លើសពីនេះ តាមរយៈប្រភពបានឲ្យដឹងទៀតថា លោក Koo Jun Yup បានទិញផ្ទះ ដោយបង់រំលស់ និងបានបង់ ៣០ភាគរយ ប្រហែល ១០លាន TWD (៣២៧០០០ ដុល្លារ)៕

ប្រភព៖ Zingnews

សូមទស្សនារូបភាពខាងក្រោម៖