កំពុងល្បី ពិតទេ អាយដលទាំងពីរ វណ្ណដា និង វត្តី អាចនឹងមានការងាររួមគ្នា?

កម្សាន្ត៖ មួយរយៈចុងក្រោយនេះ ក្រឡេកឃើញថា មហាជន ក៏ដូចជា ហ្វេនៗជាច្រើន កំពុងតែផ្ទុះការចាប់អារម្មណ៍ទៅលើវិស័យសិល្បៈកម្សាន្ត ទាំងវិស័យសិល្បៈចម្រៀងក្នុងស្រុក ព្រមទាំងការប្រកួតសម្រស់ពីកម្មវិធីលំដាប់អន្តរជាតិ។

ក្នុងនោះដែរ ចំពោះតារាប្រុសស្រីពីរដួង ដែលកំពុងតែមានប្រជាប្រិយភាពយ៉ាងខ្លាំងនៅពេលនេះ គឺលោក វណ្ណដា ដែលជាតារាចម្រៀងរ៉េបដ៏ល្បី និង កញ្ញា ពេជ្រ វត្តីសារ៉ាវឌ្ឍី ដែលជា Miss Grand International 2022 លំដាប់រងទី៥ ដែលត្រូវបានហ្វេនៗអ្នកគាំទ្រ បានលើកឡើងមិនឈប់ឈរ ក៏ដូចជាបានកោតសរសើរជាមួយសមត្ថភាពរបស់ពួកគេទាំងពីរ​ ពាសពេញបណ្ដាញសង្គម។

ជាក់ស្ដែង ថ្មីៗនេះ ភាពល្បីល្បាញរបស់អ្នកទាំងពីរ ក៏បានធ្វើឲ្យទំព័រហ្វេសប៊ុករបស់ថៃមួយ បានចុះផ្សាយ និងលើកឡើងពីការពេញចិត្តរបស់ហ្វេនៗចំពោះអ្នកទាំងពីរ ជាពិសេស សម្រាប់ លោក វណ្ណដា ដែលត្រូវបាន ស្ថាបនិក Miss Grand បានបង្ហោះរូបតារាវ័យក្មេងរូបនេះ នៅលើ IG Story របស់ខ្លួន រហូតធ្វើឲ្យមានការសង្ស័យ ថាតើអ្នកទាំងពីរអាចកំពុងតែមានការសហការរួមគ្នា ក្នុងពេលឆាប់ៗនេះ ដែរឬយ៉ាងណា ផងដែរ៕

ប្រភព៖ Queen Of Grand

សូមទស្សនារូបភាពខាងក្រោម៖