សុំគូស្នេហ៍រៀបការមិនប៉ុន្មាន Mark បង្ហាញផ្ទះថ្មីឡើងស្រស់ស្អាត

ថៃ៖ ក្រៅពីដំណឹង​ល្អដែលបានសុំមិត្តស្រីរៀបការនៅក្រៅប្រទេសហើយ តារាប្រុស លោក​ Mak Prin ស្រាប់តែបង្ហាញឲ្យឃើញនូវទិដ្ឋភាពផ្ទះថ្មីរបស់ខ្លួន ​នៅ​ឈៀងម៉ៃ ដែលជាផ្ទះនៅជាប់មាត់ទឹក មានទេសភាពស្អាតនៅជុំវិញ ទៀតផង។ 

ក្នុងនោះដែរ លោក Mark Prin បានបង្ហាញឲ្យអ្នកគាំទ្រជាច្រើន បានឃើញតាមរយៈវីដេអូ Vlog មួយ ដែលនេះគឺជាផ្ទះថ្មី ទើបតែសាងសង់រួចរាល់។ មិនត្រឹមតែប៉ុណ្ណោះ តារាប្រុសរូបនេះ ក៏បានធ្វើឲ្យហ្វេនៗបានចូលទៅទស្សនាកម្សាន្តអារម្មណ៍ នៅផ្នែកខាងក្នុងផ្ទះ ដែលមានទីកន្លែងដូចជា ផ្ទះបាយសម្រាប់ចម្អិនអាហារ មានបន្ទប់សម្រាប់ឪពុក​ម្តាយ បន្ទប់​ប្អូន​ស្រី និង​បន្ទប់​ព្រះទៀតផង។ 

លើសពីនេះ នៅផ្នែកខាងក្រោយផ្ទះ ក៏មានអាងហែលទឹកដ៏ស្រស់ស្អាតមួយនៅចំកណ្តាល ព្រមទាំងមានបន្ទប់ខារ៉ាអូខេ និងបន្ទប់កម្សាន្តនៅពីផ្នែកចំហៀង ផងដែរ។ ចំពោះ ជាន់ខាងលើ គឺជាបន្ទប់គេងឯកជនរបស់តារាប្រុសរូបនេះផ្ទាល់ ដែលបានរៀបចំមានយ៉រខាងមុខ អាចស្រូបខ្យល់អាកាសយ៉ាងស្រស់ស្រាយ ផងដែរ៕  

ប្រភព៖ Kapook

សូមទស្សនារូបភាពខាងក្រោម៖