Lil Uzi Vert ចំណាយលុយ២៤លានដាំត្បូងពេជ្រលើថ្ងាស មើលមួយភ្លែតចង់ច្រឡំនឹងទេវរះ ឪឡាង

អាមេរិក៖ Symere Bysil Woods ដែលមានឈ្មោះហៅក្រៅថា​ Lil Uzi Vert គឺជាតារាចម្រៀងរ៉េបជនជាតិអាមេរិកមួយរូបដែលមានប្រជាប្រិយភាពខ្លាំងនៅក្នុងពិភពលោក ដែលធ្វើឱ្យរូបលោកអាចរកចំណូលបានច្រើនសន្ធឹកសន្ធាប់ផងដែរ។

ជាការពិតណាស់ ដោយសារតែមានទ្រព្យសម្បត្តិច្រើនហូរហៀរបែបនេះហើយទើបបានជាលោកចូលចិត្តចំណាយមួយផ្នែកធំការតុបតែងខ្លួន និងគ្រឿងអលង្ការជាច្រើនប្រភេទចម្រុះគ្នាតែម្តង។

ជាក់ស្តែង នៅពេលនេះ លោក Lil Uzi Vert បានតែងខ្លួនខ្លាំងជាងមុនទ្វេដងដោយចំណាយលុយដល់ទៅ២៤លានដុល្លារទៅលើការដាំត្បូងអស់១១ការ៉ាត់នៅថ្ងាសរបស់ខ្លួនតែម្តង ដែលដំបូងឡើងលោកគ្រាន់តែចង់ចំណាយលុយទាំងអស់ទៅលើចិញ្ជៀនមួយប៉ុណ្ណោះ ប៉ុន្តែលោកបានគិតថាបើធ្វើដូច្នេះដូចជាល្ងង់ពេក ទើបចុងក្រោយទើបលោកសម្រេចចិត្តដាំត្បូងទាំងអស់នៅថ្ងាសតែម្តងទៅ ដែលស្ទីលនេះគឺមិនខុសពីទេវះ ឪឡាង ប៉ុន្មានឡើយ៕

សូមចូលទស្សនារូបភាពខាងក្រោម៖