ស្រណោះម្ចាស់មិននៅ ពេលឃើញទិដ្ឋភាពផ្ទះTangmo ទុកចោលជិតមួយឆ្នាំ

ថៃ៖ រយៈពេលជិតមួយឆ្នាំមកនេះ បន្ទាប់ពី ការចាកចេញគ្មានថ្ងៃត្រឡប់ របស់តារាសម្តែងស្រី Tangmo នៅក្នុងហេតុការណ៍ពីការធ្លា.ក់ទឹក នៅកណ្តាលទន្លេចៅប្រាយ៉ា កាលពីថ្ងៃទី២៤ ខែកុម្ភៈ ឆ្នាំ២០២២ បន្សល់ត្រឹមទុក្ខសោក ទៅដល់មនុស្សជិតស្និទ្ធ និងអ្នកគាំទ្រទាំងឡាយ ដែលនៅតែមានក្ដីនឹករឭកចំពោះនាង។

ដោយឡែក ថ្មីៗ​នេះ មិត្ត​ជិត​ស្និទ្ធ​របស់ Tangmo ស្រាប់តែបានចេញទម្លាយ និងបានបង្ហាញឃ្លីបមួយក្នុង Tiktok នៅពេលទៅលេងផ្ទះនាងម្តងទៀត។ មិនត្រឹមតែប៉ុណ្ណោះ តាមរយៈវីដេអូមួយនេះ ក៏បានបង្ហាញឲ្យឃើញពីទិដ្ឋភាពនៅក្នុងផ្ទះរបស់តារាស្រីរូបនេះ មើលឃើញទាំងរូបភាពកាលពីនៅក្មេងៗដ៏គួរឲ្យស្រលាញ់ណាស់ ព្រមជាមួយនឹងការបង្ហើបថា ផ្ទះមួយនេះ នៅមិនទាន់​លក់​ចេញនោះទេ។

ក្រោយពីបានឃើញបែបនេះហើយ អាចនិយាយបាន ថ្វីត្បិតតែ រយៈពេលដែលបានកើតឡើងជិតមួយឆ្នាំមុនក៏ដោយ ប៉ុន្តែក្តីស្រលាញ់ និងអនុស្សាវរីយ៍ល្អៗ របស់តារា​ស្រី​ Tangmo នៅជាស្ថិតក្នុងចិត្តមិត្តដ៏ជិតស្និទ្ធរបស់នាង ព្រមទាំងហ្វេនៗ ដែលតែងតែចាំគាំទ្រនាងគ្រប់ពេល ផងដែរ៕

ប្រភព៖ Khaosod

សូមទស្សនារូបភាពខាងក្រោម៖