នាង Myolie Wu ចង់វិញមកថតកុនវិញ ខណៈ​ទើបតែ​សម្រាល​កូនរួច

អ្នកនាង Myolie Wu ដែលត្រូវបានគេដាក់រហស្សនាមថាជាម្ចាស់ក្សត្រីនៃខ្សែភាពយន្តទូរទស្សន៍ តែងតែ​រស់នៅ​ដោយ​មានសេចក្ដីសុខរវាងការងារ និងជីវិតផ្ទាល់ខ្លួនរបស់នាង។ អ្នកនាងទើបតែឆ្លងទន្លេរួចកាលពីខែមេសា ថ្ងៃទី ៦ ជាមួយ​នឹងកូនប្រុស ដែលជាកូនទី៣របស់់អ្នកនាង។ នាងបានប្រាប់អ្នកសារព័ត៌មានថានាងនឹងសម្រាករយៈពេល២ខែ បន្ទាប់មកនាងនឹងវិលត្រឡប់មកកាន់វិថី​សិល្បៈ​​វិញ​។ អ្នកនាងមិនបានប្រញាប់វិលមករកការងារវិញនោះទេ ខណៈអ្នកនាងត្រូវមើលថាកូនតូចរបស់នាង​​ដែលមាន​អាយុ​ទើបតែ ២ខែជាង​​នៅឡើយតែអ្នកនាងបង្ហាញពីអារម្មណ៍របស់អ្នកនាងថានាង កំពុងមានអារម្មណ៍ដូចជាមានកំហុស​អញ្ចឹង ព្រោះការងារកំពុងរង់ចាំអ្នកនាងច្រើនពេកហើយ។

គួរបញ្ជាក់ផងដែរថា អ្នកនាង Myolie Wu មកដល់ពេលនេះគឺមានអាយុ ៤១ឆ្នាំហើយ នាងបានថតខ្សែភាពយន្ត​ចុងក្រោយរបស់នាងកាលពីឆ្នាំ២០២០ ដែលមានចំណងជើងថា Everybody Stand By មិនតែប៉ុណ្ណោះនាង​ក៏​បាន​ឈ្នះពានរង្វាន់ អ្នកសម្ដែងល្អជាងគេប្រចាំឆ្នាំ២០២០ ជាមួយនឹងខ្សែភាពយន្តមួយនេះទៀតផង។

មកដល់បច្ចុប្បន្ននេះគណនី Weibo របស់អ្នកនាងមានអ្នក Follower រហូតដល់ទៅ ១១លាននាក់ជាង ដែលនេះ​បង្ហាញ​អំពីភាពល្បីល្បាញរបស់អ្នកនាងនៅក្នុងបណ្ដាញសិល្បៈនៅប្រទេសចិនផងដែរ ដែលធ្វើឲ្យនាងមាន​ការងារ​ជាច្រើន​រង់ចាំ៕