មិនសូវអួតរឿងទ្រព្យទេ លើកនេះ សួន ពិសិដ្ឋ បង្ហាញផ្ទះថ្មីយ៉ាងស្កឹមស្កៃ

ភ្នំពេញ៖ អាចនិយាយបានថា តារាសម្ដែង និងគ្រូភ្លេងដ៏មានសមត្ថភាពលោក សួន ពិសិដ្ឋ បានឈានជើងដើរលើវិថីសិល្បៈមកអស់ជាច្រើនឆ្នាំ។ ម្យ៉ាងតារារូបនេះ ក៏ទទួលបានការគាំទ្រពីសំណាក់ទស្សនិកជនច្រើន គួរឲ្យកត់សម្គាល់ផងដែរ។ 

លើសពីនេះទៅទៀត ប៉ុន្មានឆ្នាំចុងក្រោយនេះ គេឃើញ លោក សួន ពិសិដ្ឋ រឹតតែមានភាពមមាញឹកជាមួយនឹងការងារសិល្បៈច្រើនជាងមុន ជាពិសេសការងារថតសម្ដែងតែម្ដង។ ក្នុងនោះដែរ ទោះបីចូលសិល្បៈមកយូរឆ្នាំ ប៉ុន្តែគេមិនដែលឃើញតារារូបនេះបង្ហោះរឿងអួតទ្រព្យដូចគេឡើយ ភាគច្រើនគឺបង្ហាញតែការងារប៉ុណ្ណោះ។ 

តួយ៉ាង រឿងដ៏ភ្ញាក់ផ្អើលនោះ ថ្មីៗនេះ លោកបានបង្ហោះរូបភាពផ្ទះថ្មីផ្ទាល់ខ្លួន ដែលទើបនឹងទិញ។ ដោយគេហដ្ឋានថ្មីរបស់លោក គឺធំប្រណីត និងមានបរិយាកាសល្អតែម្ដង។ មិនតែប៉ុណ្ណោះ បន្ទាប់ពីតារារូបនេះបង្ហាញផ្ទះខ្លួនរួច មានមិត្តភក្ដិ និងហ្វេនៗអបអរសាទរទៅកាន់លោកគ្រប់ៗគ្នាផងដែរ៕ 

សូមទស្សនារូបភាពខាងក្រោម៖