ហ្វេនភ្ញាក់ព្រើត ក្រោយ HyunA ប្តូរស្ទាយ៍តែងខ្លួនខ្លាំង
កម្សាន្ត ÷ ថ្មីៗនេះ HyunA បានបង្ហាញរូបរាង ដ៏គួរឱ្យភ្ញាក់ផ្អើលរបស់នាង ជាមួយនឹងការតុបតែងខ្លួនផ្លែកថ្មី នៅ Music Bank ដែលក្នុងនោះជាធម្មតា HyunA ចូលចិត្តជាមួយនឹងការតុបតែងមុខដ៏កាច និងប្លែកបែបឆ្នាស់ឆ្នើម។
យ៉ាងណាមិញ សម្រស់របស់នាង នាពេលថ្មីៗនេះ ធ្វើឲ្យអ្នកគាំទ្រ ងាកមកមើលនាងវិញម្តងទៀត ជាមួយនឹងការផាត់មុខបែបធម្មតា ដូចជាត្របកភ្នែកពណ៌ផ្កាឈូក មាត់ពណ៌ក្រហមលាយឈូកបែបធម្មជាតិ ដែលអ្នកគាំទ្រគិតថា HyunA មិនត្រូវការអ្វីច្រើន ដើម្បីបង្កើនការមើលឃើញរូបសម្រស់ ដ៏អស្ចារ្យរបស់នាងនោះទេ។
មិនតែប៉ុណ្ណោះ ជាមួយការស្លៀកឈុតដ៏គួរឱ្យស្រលាញ់ ដោយម៉ូដសម្លៀកបំពាក់ពណ៌ស រួមជាមួយខោខូវប៊យជើងធំ អ្នកនិយមលេងអ៊ីនធើណែតកំពុងតែភ្ញាក់ផ្នើល ចំពោះភាពស្រស់ស្អាតរបស់នាង ហើយពួកគេជឿថាការផ្លាស់ប្តូររូបភាពរបស់នាង បានមកពីការផ្លាស់ប្តូរស្ទីលតុបតែងខ្លួន ព្រមទាំងពណ៌សក់របស់នាង តែយ៉ាងណាមិនថានាងតុបតែងខ្លួនបែបកាច ឬស្លូតទេ សម្រស់ HyunA តែងតែចែងចាំងជានិច្ច៕
ជ្រាបច្បាស់ សូមទស្សនារូបភាពខាងក្រោម ÷
ប្រភព: Koreaboo