នេះបានហៅថាអាជីព Huang Xiaoming សុខចិត្តឲ្យគេទះ.កំផ្លៀង ពិតៗពេលកំពុងថតរឿង

ចិន៖ នៅថ្ងៃទី ៩ ខែវិច្ឆិកាកន្លងទៅនេះ យោងតាមប្រភពព័ត៌មានមួយ បានរាយការណ៍ថា ពីការពិត នៅក្នុងវីដេអូខាងក្រោយឆាក នៃការថតរឿងថ្មី របស់ តារាសម្ដែងប្រុស លោក Huang Xiaoming ដោយនៅក្នុង​នោះ តារាប្រុសរូបនេះ និង ​មិត្តរួមអាជីពដែលបានសម្ដែងជាមួយគ្នា កំពុង​ពិភាក្សា​ និងហាត់​សម​សម្រាប់ ​ឈុត​ទះ​កំផ្លៀង។

អ្វីដែលគួរឲ្យចាប់អារម្មណ៍បំផុតនោះ លោក Huang Xiaoming ក៏បានសុំឱ្យ មិត្តរួមអាជីពរបស់ខ្លួនម្នាក់នេះ ធ្វើការទះកំផ្លៀងយ៉ាងពិតប្រាកដ ដើម្បីនាំយកនូវអារម្មណ៍ពិតៗ នៅចំពោះមុខកាមេរ៉ា។ មិនត្រឹមតែប៉ុណ្ណោះ នៅក្នុងនោះដែរ តារាប្រុសរូបនេះ ថែមទាំងត្រូវបានគេដឹងថា រូបលោកត្រូវបានទះកំផ្លៀងច្រើនជាង ១០ ដង នៅក្នុងឈុតផ្លូវការ ទៀតផង។

យ៉ាងណាមិញ ក្រោយពីចប់​ផ្នែក​នោះ តារាប្រុសរូបនេះ បាន​រង​របួស​ ដោយ​រលាក​មុខ ផងដែរ តែទោះជាយ៉ាងណា បន្ទាប់ពីបានឃើញបែបនេះ ទស្សនិកជនជាច្រើន បានសរសើរយ៉ាងខ្លាំង នៅលើបណ្ដាញសង្គម ព្រមទាំងបង្ហាញពីការពេញចិត្ត ចំពោះការស្រលាញ់វិជ្ជាជីវៈ និងស្មារតីនៃតួនាទីរបស់ Huang Xiaoming ផងដែរ៕ 

ប្រភព៖ Zingnews

សូមទស្សនារូបភាពខាងក្រោម៖