ថ្ងៃអូនរង់ចាំ! Kimberley ត្រូវ Mark សុំរៀបការហើយ ក្រោយស្រលាញ់១០ឆ្នាំ

ស្វីស៖ ជារឿងដ៏រំភើប ដែលហ្វេនៗ ទន្ទឹមរង់ចាំ រវាងគូស្នេហ៍ដ៏ល្បីល្បាញ និងតែងតែបង្ហាញនូវភាពផ្អែមល្ហែម ឲ្យបណ្តាអ្នកគាំទ្របានឃើញ គឺ Mark Prin និង Kimberley ដែលជាគូស្នេហ៍ ដែលទទួលបានការចាប់អារម្មណ៍ខ្លាំងបំផុត ប្រចាំប្រទេសថៃ។

យ៉ាងណាមិញ អស់រយៈពេលជាង១០ឆ្នាំ ផ្លែផ្កានៃស្នេហាមួយគូនេះ ពិតជាមិនធ្វើឲ្យអ្នកគាំទ្ររបស់ពួកគេខកបំណងនោះឡើយ ដោយនៅមុននេះបន្តិច គណនីIG របស់ Mark និង Kimberley បានបង្ហោះរូបភាពព្រមគ្នាតែម្ដង ដោយ Mark បានបំពាក់ជញ្ជៀនត្បូងពេជ្រមួយគ្រាប់យ៉ាងធំ សុំមិត្តស្រីរៀបការហើយខណៈដែលធ្វើដំណើរកម្សាន្តនៅឯប្រទេសស្វីស ដែលជាក្តីស្រម៉ៃរបស់ Kimberley។

ក្នុងនោះផងដែរ ក្រោយឃើញដូច្នេះ មានហ្វេនជាច្រើនទូទាំងក្នុងនិងក្រៅប្រទេស ពិតជារំភើបស្ទើរស្រក់ទឹកភ្នែក ក្រោយការរង់ចាំមើលគូស្នេហ៍អ្នកទាំងពីរមានថ្ងៃនេះ ទីបំផុត អាយដលទាំងពីរជិតរៀបការបំពេញបំណងហ្វេនៗហើយ៕

សូមទស្សនារូបភាពខាងក្រោម៖