Nune សុខចិត្តធ្វើរឿងនេះ ដើម្បីបានផ្អែមល្ហែមជាមួយស្វាមី

ថៃ៖ ក្រឡេកមកមើលពីទំនាក់ទំនងប្ដីប្រពន្ធរបស់ តារាស្រី Nune Woranuch និងស្វាមី ក៏កំពុងតែធ្វើឲ្យហ្វេនៗកាន់តែច្រណែន នឹងភាពផ្អែមល្ហែមរបស់អ្នកទាំងពីរ ដែលទើបតែ​បាន​បង្ហាញពី​រូបថត​​ក្នុង​ខួប​អាពាហ៍ពិពាហ៍​ ១២ ​ឆ្នាំ យ៉ាងរីករាយ បើទោះបីជាពេលនេះពួកគេនៅមិនទាន់មានកូនក៏ដោយ។ ​

ម៉្យាងវិញទៀត ក្នុងពេលដែលកម្រនឹងមានរូបភាពគូជុំគ្នាក៏ពិតមែន ប៉ុន្តែការបង្ហាញខ្លួនម្ដងៗក៏ត្រូវបានហ្វេនៗ និងមិត្តៗពេញចិត្តគ្រប់ៗគ្នា ជាក់ស្ដែងដូចកាលពីថ្មីៗនេះ ស្វាមីរបស់ Nune លោក Todd Piti បានចេញទៅប្រណាំងឡាននោះ រូបនាងក៏បានទៅ​លើក​ទឹក​ចិត្ត​ដល់ស្វាមីបណ្ដូលចិត្ត ថតរូបប្តីនៅទីលានប្រណាំង ទៀតផង។

លើសពី​លើ​នេះ Nune ថែមទាំង​បាន​បញ្ចេញ​រូបភាព ​ប៉ុន្មាន​សន្លឹក​របស់​ខ្លួនជាមួយនឹងស្វាមី ដែលបង្ហាញពីទឹកមុខញញឹមយ៉ាងមានក្ដីសុខពេលបាននៅក្បែរគ្នា និងបានលើកឡើងដើម្បីបញ្ជាក់ថានេះ គឺជាភាពផ្អែម​ល្ហែម​បន្តិច​បន្តួចរបស់អ្នកទាំងពីរ ផងដែរ៕

ប្រភព៖ Sanook

សូមទស្សនារូបភាពខាងក្រោម៖