ឃើញហាយសូរ ការពិត Due ចំណាយទាំងអស់ មិនទាក់ទងនឹងគូស្នេហ៍
ថៃ៖ សម្រាប់តារាស្រី Due Arisara តែងតែធ្វើឲ្យហ្វេនៗជាច្រើន ជឿជាក់ថា ក្រៅពីបានបង្ហាញរូបភាពស្រស់ស្អាតទាក់ទាញហើយ នាងថែមទាំងមានជីវភាពធូរធារ និងឡូយឆាយ ជាមួយនឹងការប្រើប្រាស់របស់របរម៉ាកយីហោល្បីៗ ក៏ដូចជាធ្វើដំណើរកម្សាន្តទៅក្រៅប្រទេសជាញឹកញាប់ រហូតដល់មានការសួរនាំថាតើ គូស្នេហ៍របស់នាងគឺជាអ្នកចំណាយឬយ៉ាងណា។
យ៉ាងណាមិញ ថ្មីៗនេះ Due ក៏បានត្រៀមខ្លួនជាស្រេច ដើម្បីឆ្លើយទៅសំណួរទាំងនេះ តាមរយៈ Channel YouTube ផ្ទាល់ខ្លួន ដោយបានរៀបរាប់ថា តាំងពីក្មេងមក នាងមិនមានសុបិនចង់ក្លាយជាតារាសម្ដែងបែបនេះទេ ប៉ុន្តែចង់ក្លាយជាអ្នកលក់ម្នាក់ និងចូលចិត្តលក់របស់របរតាំងតែពីតូច។ ហើយអាជីវកម្មដំបូង ដែលនាងធ្វើគឺ លក់អាវ ព្រមទាំងបានបោះទុនច្រើន ហើយការលក់ក៏មានភាពល្អប្រសើរ។
អ្វីដែលគួរឲ្យកត់សម្គាល់នោះ តារាស្រី Due បានបញ្ជាក់ថា ឃើញថាមានគូស្នេហ៍ជាអ្នកមាន តែ ជីវិតរបស់នាងកន្លងមកនេះ គឺអ្វីៗគ្រប់យ៉ាង នាងតែងតែប្រើលុយរបស់ខ្លួន ដើម្បីទិញវាមករហូត ប៉ុន្តែពួកគេបែរយល់ថា ខាងប្រុសជាអ្នកចំណាយទៅវិញ ព្រមទាំងបានបន្ថែមទៀតថា មិនថាជារថយន្តស្ព័រ ឬអ្វីក៏ដោយ គឺជាលុយរបស់នាងទាំងអស់៕
ប្រភព៖ Kapook
សូមទស្សនារូបភាពខាងក្រោម៖
