អបអរសាទរ ប៉ាង ពេជ្ររចនា ទទួលបានតំណែង Miss Asia Global Cambodia 2022

ភ្នំពេញ៖ ពិតណាស់ កញ្ញា ប៉ាង ពេជ្ររចនា ជាបេក្ខភាពប្រកួតក្នុងកម្មបិធី Miss Teen International Cambodia ដែលនាងទទួលបានពាន Miss Rising Starពីកម្មវិធីមួយនេះ។ ជាមួយគ្នានេះដែរ បន្ទាប់ពីបញ្ចប់ការប្រកួត និងទទួលបានពាន់រង្វាន់មួយនេះរួច នាងក៏មានបានឱកាសការងារភ្លាមៗ តាមរយៈការថតស្ពតពាណិជ្ជកម្មផ្សេងៗជាបន្តបន្ទាប់ទៀតផង។

យ៉ាងណាមិញ អ្វីដែលគួរឲ្យភ្ញាក់ផ្អើលនោះ ថ្មីៗនេះលេចឮដំណឹងថានាងទទួលបានឱកាសធំថ្មី ដែលនាងនឹងក្លាយជាបវរកញ្ញាតំណាងឲ្យកម្មវិធី Miss Asia Global Cambodia 2022។ ក្នុងនោះដែរ ក្រោយអ្នកលេងបណ្ដាញសង្គម និងមិត្តភក្ដិកញ្ញា ប៉ាងពេជ្ររចនា ផ្ទាល់ទទួលបានដំណឹងនេះ ពួកគេបានបង្ហាញពីភាពត្រេកអរ និងរំភើបជំនួសនាងគ្រប់គ្នា។

ជាក់ស្ដែង កាលពីថ្ងៃទី ២១ ខែ កក្កដា ឆ្នាំ ២០២២ ត្រូវនឹងពេលប្រកួតវគ្គផ្ដាច់ព្រ័ត្រ Miss Preteen International Cambodia ពីកម្មវិធីបានយកពេលវេលានោះ ដើម្បីប្រកាសតំណែងដល់កញ្ញា ប៉ាង ពេជ្ររចនា ដែលជា Miss Asia Global Cambodia 2022។មិនតែប៉ុណ្ណោះ ក៏មានការបំពាក់ឆៀង និងមកុដដ៏ប្រណីត បញ្ជាក់ពីតំណែងដ៏អស្ចារ្យមួយនេះសម្រាប់នាងផងដែរ៕ 

សូមទស្សនារូបភាពខាងក្រោម៖