អនុស្សាវរីយ៍ល្អៗរយៈពេល ៨ ឆ្នាំ រវាង Mark Prin និង Kimberley ធ្វើឲ្យហ្វេនៗបំភ្លេចមិនបាន

ថៃ៖ សម្រាប់អ្នកតាមដាន និងគាំទ្រវិស័យកម្សាន្តថៃប្រាកដជាបានដឹងរួចមកហើយថាតារាសម្តែងប្រុសស្រីថៃប្រចាំស្ថានីយ៍ទូរទស្សន៍ប៉ុស្តិ៍លេខ៣ លោក Mark Prin និងកញ្ញា Kimmy Kimberley គឹជាគូស្នេហ៍នឹងគ្នាដែលមានរយះពេលប្រមាណជា ៨ ឆ្នាំមកហើយ។

តួយ៉ាងរយៈពេល ៨ ឆ្នាំដែលគូស្នេហ៍មួយគូនេះ បានបើកបង្ហាញពីសម្ព័ន្ធស្នេហាជាសាធារណៈរួចមក តែងតែឃើញអ្នកទាំងពីរបង្ហោះរូបស្វីតៗព្រមទាំងបង្កើតអនុស្សាវរីយ៍ល្អៗដែលធ្វើឲ្យអ្នកគាំទ្រមិនអាចបំភ្លេចបាន ៖

កាលពីឆ្នាំ២០១៣៖ ជាឆ្នាំដែល Kimberley និង MarkPrin ចាប់ផ្តើមសាងសម្ព័ន្ធស្នេហាជាមួយគ្នា បន្ទាប់ពីអ្នកទាំងពីរដើរតួសម្តែងជាមួយគ្នានៅក្នុងភាពយន្តភាគមួយ។

ខែកញ្ញាឆ្នាំ ២០១៦៖ គូស្នេហ៍តារាសម្តែងទាំងពីររូបនេះក៏បានធ្វើកម្មវិធីគំរប់ខួបស្រលាញ់គ្នាចំនួន៣ ឆ្នាំយ៉ាងផ្អែមល្ហែម រួមទាំងបង្ហោះរូបបង្អួតដល់ហ្វេនៗទៀតផង។

ខែមីនាឆ្នាំ ២០១៩៖ Kimberley បានធ្វើដំណើរកម្សាន្តទៅប្រទេសជប៉ុនជាមួយក្រុមគ្រួសាររបស់Mark Prin យ៉ាងសប្បាយរីករាយនិងសាងអនុស្សាវរីយ៍ល្អៗជាច្រើននៅទីនោះផងដែរ។

ខែកញ្ញាឆ្នាំ ២០២០៖ ស្រាប់តែឆ្នាំមុននេះ Mark Prin បានបង្ហោះរូបកៀកកើយជាមួយ Kimberley ក្នុងថ្ងៃគំរប់ខួបស្រលាញ់គ្នា៧ ឆ្នាំអមជាមួយនឹងសារដ៏ស្វីតៗ។ ហើយអ្វីដែលកាន់តែពិសេសនោះគឺ Mark Prin បានទិញចិញ្ចៀន Surprise មិត្តស្រីរបស់ខ្លួនថែមទៀតផង៕