ហ្វេនសង្ស័យត្រូវគ្នាជាមួយ Jennie វិញស្រាប់តែ G-Dragon មិនខ្វល់សម្ងំធ្វើរឿងនេះវិញ

កូរ៉េខាងត្បូង៖ កាលពីថ្ងៃទី ២៤ ខែ សីហា នេះតារាចម្រៀងជើងចាស់ G-Dragon បានបង្ហាញពីបំណែកសិល្បៈ ដែលលោកបានប្រមូល អស់ជាច្រើនឆ្នាំមកហើយដែលតារាប្រុសរូបនេះ បានបង្ហោះរូបថតផ្សេងៗគ្នា នៅលើ Instagram។

ក្នុងនោះ G-Dragon​ បានបង្ហាញពីបំណែកសិល្បៈទាំងអស់ នៅផ្ទះរបស់ខ្លួន ហើយនៅចុងបញ្ចប់នៃរូបថតដែលបង្ហាញពីស្នាដៃសិល្បៈ G-Dragon ក៏បានផ្តល់អំណោយដល់អ្នកគាំទ្ររបស់លោក ជាមួយនឹងការថតរូបSelfie ផងដែរ។

ស្របគ្នានេះ បន្ទាប់ពីដំណឹងណាត់ជួបជាមួយ Jennie សមាជិកក្រុមBLACKPINK រួចមក G-Dragon មិនបានបង្ហោះរូបថតច្រើនទេជាមួយការថតរូប Selfie របស់លោក ដូច្នេះអ្នកគាំទ្រជាច្រើន មានការរំភើបនិងរីករាយដែលបានឃើញមុខលោកជាថ្មី។

ជាមួយគ្នានេះដែរ នៅក្នុងប្រកាសចុងក្រោយនេះតារាប្រុសរូបនេះ ក៏បានបង្ហាញពីផ្ទៃខាងក្នុងនិងខាងក្រៅផ្ទះរបស់លោកដែរ ដែលពោរពេញទៅដោយស្នាដៃសិល្បៈប្លែកៗ និងចម្រុះពណ៌ ព្រោះ G-Dragon ត្រូវបានគេស្គាល់ថា លោកមានចំណាប់អារម្មណ៍ជាពិសេស ទៅលើម៉ូដ និងសិល្បៈគំនូរដូច្នេះមនុស្សជាច្រើនចាប់អារម្មណ៍ នឹងស្នាដៃសិល្បៈដែលលោកបានបង្ហាញថ្មីៗនេះ៕

សូមទស្សនារូបភាពខាងក្រោម ៖

ប្រភព : Allkpop