កំពុងផ្ទុះ ពាក្យ​ចចាមអារ៉ាម​ថា Song Hye Kyo ក្បត់អតីតស្វាមី

កម្សាន្ត ÷ ថ្មីៗនេះ ពាក្យចចាមអារ៉ាមមួយបានផ្ទុះឡើង អំពីការលែងលះរបស់ Song Hye Kyo និង Song Joong Ki គឺស្រាប់តែក្លាយទទួលបានការចាប់អារម្មណ៍ខ្លាំងបំផុត ដែលតារាស្រីរូបនេះបាន ឡើងដល់កំពូលនៃការស្វែងរក ដ៏ពេញនិយមបំផុតនៅលើសមាគមន៍អនឡាន Weibo ក្នុងប្រទេសចិនរយៈពេល ៣ ថ្ងៃជាប់ៗគ្នា។

ក្នុងនោះ ពាក្យចចាមអារ៉ាមគ្មានប្រភពមួយ បានលើកឡើងថា Song Joong Ki ចាប់បានពេលដែល Song Hye Kyo នាំបុរសម្នាក់ទៅផ្ទះ ហើយដោយ​ខឹង​នឹងត្រូវភរិយា​ក្បត់​ ភ្លាម​ៗ Song Joong Ki ​ក៏​ប្តឹង​សុំ​លែង​លះតែម្តង ។

យ៉ាងណាខណៈពេលដែល ពាក្យចចាមអារ៉ាគ្មានមូលដ្ឋាននេះ ចាប់ផ្តើមរីករាលដាល ក៏មានអ្នកនិយមលេងអ៊ីនធើណែតជាច្រើន បានស្ទុះទៅការពារ Song Joong Ki ភ្លាមៗ ហើយបាននិយាយពាក្យសម្តីអាក្រក់ៗជាច្រើនទៅលើ Song Hye Kyo ដោយសំអាងទៅលើថា នាងធ្លាប់បានណាត់ជួបជាមួយតារារួមអាជីពជាច្រើន។

ទោះជាយ៉ាងណាក៏ដោយ ក៏មានអ្នកនិយមលេងអ៊ីនធើណែតជាច្រើនចេញមុខការពារ Song Hye Kyo ផងដែរ ដោយពួកគេជឿថា ពាក្យចចាមអារ៉ាមទាំងនេះ គឺកើតឡើងដោយសារតែជម្លោះផ្ទៃក្នុង របស់ក្រុមហ៊ុនទើបបង្ហើបពាក្យចចាមអារ៉ាម ដើម្បីបង្វែរការចាប់អារម្មណ៍របស់មហាជន៕

ប្រភព : Kbizoom