ហេតុតែគេស្អាត ទោះផាត់មុខឬអត់ក៏ FreeZia នៅខ្ញង់ (មានវីដេអូ)

កម្សាន្ត ÷ Song Ji Ah ឬគ្រប់គ្នាស្គាល់ថា FreeZia នោះ ថ្មីៗនេះបានត្រឡប់មកបង្ហោះវីដេអូថ្មីមួយ ដែលមានចំណងជើងថា «GRWM, Daily Honey Glow Makeup ft TMI Explosion» នៅលើឆាណែលយូធូបរបស់នាង ក្រោយពីស្ងាត់អស់មួយរយ:ដោយសារតែ ចម្រូងចម្រាស់ប្រើប្រាស់របស់ក្លែងក្លាយ។

ស្របគ្នានេះ នៅក្នុងវីដេអូSong Ji Ah បានចាប់ផ្តើមដោយមុខទទេគ្មានការតុបតែងអ្វីទាំងអស់ នាងក៏បាននិយាយថា «​សព្វ​ថ្ងៃ ខ្ញុំ​ចូល​ចិត្ត​ការ​ផាត់​មុខ​បែបស្រាលៗ»បន្ទាប់មកនាងក៏ចាប់ផ្តើមផាត់មុខស្រាលៗ ជាមួយនឹងក្រែមលាបមាត់ពណ៌ស្តើង និង​មិន​សូវ​​ផាត់​ត្របកភ្នែក​ឡើយ។

លទ្ធផលចុងក្រោយរបស់នាងនោះគឺរូបរាងដ៏ស្រស់ស្អាត ទាក់ទាញតាមបែបធម្មជាតិ ហើយជាក់ស្តែងការ Make up របស់នាងមួយនេះ ទទួលបានការឆ្លើយតបល្អៗយ៉ាងច្រើនពីអ្នកគាំទ្រដែល Ji Ah បានបង្ហាញពីចំណេះដឹង និងជំនាញខាងតុបតែងមុខ ដ៏ល្អរបស់នាង។

គួររំលឹកផងដែរថាSong Ji Ah គឺជា YouTuberដ៏ល្បីល្បាញមួយរូប ក្រោមឈ្មោះ FreeZia នាងទទួលបានការចាប់អារម្មណ៍ខ្លាំងបន្ទាប់ពីបានបង្ហាញខ្លួននៅក្នុងកម្មវិធី ណាត់ជួប «Single's Inferno» ប៉ុន្តែក្រោយមកក៏មានចម្រូងចម្រាស់ ចំពោះការប្រើប្រាស់ទំនិញប្រណីតក្លែងក្លាយយ៉ាងណានាងក៏បានសុំទោស និងផ្អាកសកម្មភាពអស់ ៤ ខែ មុនពេលចាប់ផ្តើមសកម្មភាព SNSនិងបង្ហោះវីដេអូម្តងទៀត៕

ជ្រាបច្បាស់ សូមទស្សនាវីដេអូខាងក្រោម ÷

ប្រភព : Koreaboo