ឈ្លោះត្រូវៗ ពេលនេះ New Chapter សុំគូស្នេហ៍រៀបការនៅមាត់សមុទ្រយ៉ាងរ៉ូមែនទិក

ថៃ៖ តារាសម្ដែងប្រុសដ៏ស្រស់សង្ហា លោក New Chapter ជាតារាសម្ដែងប្រុសដ៏មានប្រជាប្រិយភាពម្នាក់នៅក្នុងរង្វង់សិល្បៈហើយលោកក៏មានទំនាក់ទំនងស្នេហ៍ជាមួយនឹងគូស្នេហ៍ដ៏ស្រស់ស្អាតគឺ Maysapril ផងដែរ។

យ៉ាងណាមិញនៅក្នុងរយៈពេលកន្លងទៅថ្មីៗនេះ New Chapterបានធ្វើឱ្យមហាជនគ្រប់គ្នាមានការភ្ញាក់ផ្អើលជាខ្លាំង បន្ទាប់ពីលោកបានសុបប្រាយ៍គូស្នេហ៍របស់លោកMaysapril ដោយការសុំនាងរៀបការនៅមាត់សមុទ្រយ៉ាងរ៉ូមែនទិក អមជាមួយនឹងអាកាសធាតុដ៏ស្រស់ស្រាយ និង បរិយាកាលដ៏បរិសុទ្ធនៅទីនោះថ្វីត្បិតថាវាសាមញ្ញតែ មើលទៅពិតជាមានក្ដីសុខ និងផ្អែមល្ហែមខ្លាំងណាស់។ ក្នុងនោះការសុំMaysapril រៀបការ នេះគឺក្រោយពីអ្នកទាំងពីរធ្លាប់បានបែកគ្នាអស់រយៈពេលពីរឆ្នាំហើយការបែកគ្នានេះផងដែរក៏បានដកពិសោធនូវអារម្មណ៍របស់ពួកគេថាមិនអាចរស់ខ្វះគ្នាបាន និងយស់ពីអារម្មណ៍នឹកគ្នា ចង់នៅក្បែរគ្នារហូតទៅ ព្រមទាំងមិនចង់បែកគ្នាម្ដងទៀតនោះទេ  ចុងក្រោយពួកគេក៏បានផ្សះផ្សាគ្នាឡើងវិញនៅក្នុងថ្ងៃកំណើតរបស់Maysapril នៅខែ មេសាកន្លងទៅនេះ ដោយទាក់ទងគ្នាឡើងវិញបានមួយរយៈមក New Chapter ក៏សម្រេចចិត្តសុំMaysapril រៀបការសាងគ្រួសារទៅថ្ងៃអនាគតតែម្ដង៕

ប្រភព៖ Khaosod