មុខឃ្យូតក៏ខុស Yang Yo Seop ធ្លាប់ត្រូវគេវាយ.ព្រោះតែ គួរឲ្យស្រលាញ់ពេក

កម្សាន្ត៖ ហ្វេនៗនាំគ្នាហួសចិត្ត ក្រោយពីដឹងមូលហេតុ តារាចម្រៀងប្រុស Yang Yo Seop ធ្លាប់ត្រូវគេព្រួតគ្នាវាយទ្រោមខ្លួន កាលសម័យរៀនវិទ្យាល័យ។ កាលពីប៉ុន្មានថ្ងៃមុននេះ Yo Seop បាននិយាយរៀបរាប់ពីរឿងដែលលោកធ្លាប់ត្រូវបានគេវាយធ្វើបាប។ 

យោងតាមសម្ដីរបស់ តារាប្រុសនេះបានឲ្យដឹងថា កាលពីជំនាន់លោកនៅ រៀនថ្នាក់វិទ្យាល័យ ខ្លួនត្រូវបានសិស្សមួយក្រុមមកវាយដោយគ្មានជម្លោះនឹងគ្នាសោះ។ ក្នុងនោះ Yo Seop​ បានបញ្ជាក់ថា​ លោក និង មិត្តមួយក្រុម ដើរសុខៗ ក៏គេអូសទៅ កន្លែងមួយ ហើយក៏វាយលោកតែម្ដង ចំណែកឯមិត្តវិញ មានសុវត្ថិភាពមិនត្រូវគេវាយនោះទេ។

តារា Kpop រូបនេះបន្ដទៀតថា ខ្លួនមិនដឹងអ្វីសោះ បែរជាត្រូវគេអូសយកទៅ បញ្ចេញកំហឹងលេង ដោយឡែក ក្រោយមកទើបលោកដឹងការពិតថា មានសិស្សស្រីម្នាក់ និយាយប្រាប់មិត្តនាងថា Yo Seop គួរឲ្យស្រលាញ់។ ទន្ទឹមនឹងនោះ សិស្សិប្រុសម្នាក់ទៀតដែលលួចស្រលាញ់នាង​បានខឹង ហើយក៏មកវាយ Yo Seop បញ្ចេញកំហឹងតែម្ដងទៅ ៕

ប្រភព៖ SBS Star