មិនប៉ុន្មានផង Aum និងគូស្នេហ៍ប្រកាសបញ្ចប់ស្នេហា ដោយសារតែតារាស្រីរូបនេះ?

January 5, 2023

ថៃ៖ ដូចដែលបានដឹងរួចមកហើយថា ថ្មីៗនេះ បណ្ដាអ្នកគាំទ្រជាច្រើន កំពុងតែតាមដាន ពីទំនាក់ទំនងស្នេហារបស់ តារាស្រី Aum Patchrapa និងគូស្នេហ៍ហាយសូរ Pok phornprapha ដែលកំពុងតែមានការសង្ស័យពីការចែកផ្លូវគ្នា រហូតដល់មានការលើកឡើងពីចចាមអារ៉ាមមានភាគីអ្នកទីបី ចូលមកពាក់ព័ន្ធ។

ហើយនៅក្នុងនោះដែរ អ្នកទីបីរូបនេះ បែរជាត្រូវគេដាក់ការសង្ស័យទៅលើ តារាស្រី Matt Peeranee បន្ទាប់ពីមានការរកឃើញឈ្មោះអក្សរកាត់ពីអ្នកលេងអ៊ិនធើណេត ដែលនាំឲ្យគូស្នេហ៍តារាស្រី Aum ត្រូវចែកផ្លូវគ្នាបែបនេះ។ តែទោះជាយ៉ាងណា ក៏មានការបញ្ជាក់ពីអ្នកគ្រប់គ្រងថា តារាស្រី Matt គឺមិនមែនជាជនទី៣ឡើយ ហើយនាងនៅតែស្រលាញ់គូស្នេហ៍របស់នាងដូចដើម គឺលោក Songkran។

ដោយឡែក បន្ទាប់ពីមានសង្ស័យជាបន្តបន្ទាប់បែបនេះ នៅទីបំផុត លោក Pok Phornprapha ក៏បានចេញមកបញ្ជាក់យ៉ាងច្បាស់ ខណៈដែលអ្នកទាំងពីរ ពិតជាបានសម្រេចចិត្តបញ្ចប់ចំណងស្នេហ៍មួយរយៈ ដោយហេតុផលរបស់អ្នកទាំងពីររៀងៗខ្លួន។ ជាពិសេស គូស្នេហ៍របស់ Aum រូបនេះ បានបង្ហោះសារថា៖

ពេលឃើញដំណឹងនេះ ខ្ញុំមិនស្រួលក្នុងចិត្តទេ ទើបសម្រេចចេញមកបន្ថែមរឿងបន្តិច។ ឥឡូវនេះ ខ្ញុំឃើញមនុស្សជាច្រើនត្រូវបានពាក់ព័ន្ធ។ ហើយក៏គួរតែពន្យល់បន្តិចបន្តួចនៅក្នុងបញ្ហាដែលខ្ញុំគិតថា ជារឿងផ្ទាល់ខ្លួន។ ខ្ញុំមានអារម្មណ៍មិនល្អ ដែលធ្វើឲ្យមនុស្សដែលគ្មានអ្វីពាក់ព័ន្ធត្រូវតែមកបញ្ហាដោយសារខ្ញុំតាំងពីយើងបានទាក់ទងគ្នា។ ខ្ញុំមិនដែលគិតថានឹងមាន ឬចង់មានដៃទីបីនោះទេ ដោយ Aum ជានារីល្អដែលខ្ញុំស្រលាញ់ និងគោរពជានិច្ច រហូតដល់ថ្ងៃនេះ ទោះបីជាយើងសម្រេចចិត្តបញ្ចប់ទំនាក់ទំនងមួយរយៈក៏ដោយ ដោយសារតែហេតុផលរបស់មនុស្សពីរនាក់។
ជិត៥ឆ្នាំមកនេះ Aum នៅតែជាមនុស្សល្អ ហើយតែងតែល្អចំពោះរូបខ្ញុំ និងគ្រួសារ។ យើងមានពេលសោកសៅ និងពេលដែលមានសុភមង្គល។ ហើយព្យាយាមមកនៅជាមួយគ្នាឱ្យបានច្រើន។ រហូតមកដល់សព្វថ្ងៃនេះ ខ្ញុំនៅតែគោរពដល់ Aum ជានិច្ច។ ហើយខ្ញុំសូមអរគុណអ្នកទាំងអស់គ្នាដែលតែងតែគាំទ្រពួកយើងទាំងពីរ
— Pok Phornprapha

ប្រភព៖ Sanook

សូមទស្សនារូបភាពខាងក្រោម៖

ទាក់ទងជាមួយ:

តារាថៃ

អានបន្ថែម