មុខមាត់ណាស់ Rose បានចូលរួមកម្មវិធីលំដាប់ពិភពលោក MET GALA ហើយ

កម្សាន្ត៖ កម្មវិធី Fashion លំដាប់ពិភពលោកដែលអញ្ជើញសុទ្ធតែតារាល្បីៗនិងតារា Hollywood ឲ្យចូលរួម Met Gala ជារៀងរាល់ឆ្នាំមិនដែលមានតារា Kpop ណាមានវាសនាចូលរួមឡើយ។ កម្មវិធីនេះល្បីល្បាញត្រូវបានគេស្គាល់ទូទាំងពិភពលោក ហើយអ្នកដែលចូលរួមសុទ្ធត្រៀមសម្លៀកបំពាក់ប្លែកៗបែប High Show។

Met Gala គឺជាកម្មវិធីដែលធ្វើឡើង១ឆ្នាំម្ដង ដើម្បីបង្ហាញពីសិល្បៈនៃការស្លៀកពាក់តែងខ្លួន វាប្រៀបបានដូចជាការពិព័រសម្លៀកបំពាក់អញ្ចឹងដែរ។ ម្យ៉ាងទៀត ជាឪកាសល្អសម្រាប់ភ្ញៀវកិត្តិយសបង្អួតម៉ូតសម្លៀកបំពាក់ឆើតឆាយទាក់ទាញ នឹងមានអ្នកកាសែតទស្សនាវដ្ដីចាំថតដើម្បីចុះផ្សាយផងដែរ។ 

ងាកមកមើលឆ្នាំ២០២១នេះវិញ គេកំពុងរងចាំមើលតារាហូលីវូដល្បីៗជាច្រើននឹងតែងខ្លួនយ៉ាងណាដើម្បីចូលរួម ជាពិសេសជាងគេទៅទៀត នៅក្នុងកម្មវិធី Met Gala លើកនេះនឹងមានវត្តមានរបស់ Rose ដែលជាតារា​ Kpop ដំបូងដែលត្រូវបានគេអញ្ចើញជាកិត្តិយសឲ្យដើរលើកម្រាលព្រំផងដែរ។ 

ហ្វេនៗពិតជារំភើបរំជើបរំជួលមែនទែនក្រោយពីដឹងដំណឹងនេះ ហើយគ្រប់គ្នាបានរងចាំមើលពីសម្លៀកបំពាក់ដែល Rose នឹងស្លៀកពាក់ដើរលើកម្រាលព្រំនេះ នាងផ្ទាល់ក៏ជាអ្នកលេង Fashion មិនធម្មតាដែរ។ លើសពីនោះ សមាជិក Blackpink រូបនេះនឹងបានជួបជុំជាមួយនឹងតារាល្បីៗលំដាប់ពិភពលោកផ្សេងទៀត៕ 

ប្រភព៖ K-Pop World