ក្រោយជួបទុក្ខធំ សឿ សុធារ៉ា ចូលសិល្បៈសម្ដែងរឿង ម្ចាស់កីតម្បាញ បានយ៉ាងល្អ

កម្សាន្ត៖ មហាជនពិតជាបានស្គាល់ច្បាស់នូវ តារាសម្ដែងស្រី ជើងចាស់ អ្នកនាង សឿ សុធារ៉ាដែលបានសម្ដែងរឿង ភាពយន្ដ បុរាណ និងភាពយន្ដ សម័យជាច្រើនរឿង ដែលធ្វើឲ្យគេបានស្គាល់នូវសមត្ថភាព ការសម្ដែងរបស់នាង ថាជាតារាស្រីសម្ដែងបាន គ្រប់ទម្រង់ក្នុងការសម្ដែង។

យ៉ាងណាមិញ កាលពីម្សិលមិញបានឃើញលោក កៅ សីហា លោកគឺជា អ្នកដឹកនាំរឿង និងជាអ្នកបង្កើតឌីជីថល នៅផលិតកម្មហង្សមាស។​ លោកបានបង្ហោះ ជាមួយសកម្មភាព សម្ដែងរបស់នាង ដែលដើរតួជាទាសករបម្រើ ត្រូវគេដាក់ទោស ដោយយករំពាត់ផ្ដៅ​ វាយខ្នងរបស់នាង ព្រោះនាងបានមានកូនជាមួយលោកដង្ខៅ ជាម្ចាស់ផ្ទះ និងបានដឹងឮ ដល់ប្រពន្ធរបស់ លោកដង្ខៅ ទើបគេធ្វើបាបនាងក្នុងពេលដែលនាង កំពុងតែមានទម្ងន់ និងចាញ់កូន។

គួរបញ្ជាក់ផងដែលថាការពីមួយរយៈមុន អ្នកនាង​ សឿ សុធារ៉ា បានជួបទុក្ខធំ​ នូវរឿងនាងបាន ជំពាក់បំណល់គេ ​ម្ដាយជាទីស្រឡាញ់របស់នាង បានទទួលមរណៈភាព និងត្រូវបានស្វាមីលែងលះ ពេលនោះ នាងស្ទើរតែបាតបង់ភាពជាម្ចាស់ការ លើខ្លួនឯងផងដែល។​ ក៏ប៉ុន្ដែ ដោយសារតែនាងមាន កូនស្រីជាទីស្រឡាញ់ ត្រូវការភាពកក់ក្ដៅទើបនាងខំប្រឹងរើខ្លួន ចេញពីទុក្ខសោកទាំងអស់នោះបាន ផ្លាស់ប្ដូរខ្លួនជាមនុស្សថ្មីម្នាក់ និងតាំងចិត្តចូលក្នុងវិស័យសិល្បៈវិញ ហើយសម្ដែងទៅបានយ៉ាងល្អ សមជាតារាសម្ដែងជើងចាស់មែន៕

ទស្សនារូបភាពខាងក្រោម៖