ពុទ្ធោ BlACKPINK បានរាប់លាន ត្រឹមតែខនស៊ឺតមួយយប់សោះ
កូរ៉េខាងត្បូង៖ ថ្មីៗនេះ យោងតាមប្រភព Allkpop បានបង្ហាញ ជាមួយនឹងការប្រគុំតន្ត្រីទេសចរណ៍ពិភពលោក Born Pink ដែលធ្វើឡើង នៅថ្ងៃទី ១៤ ខែវិច្ឆិកា នៅទីក្រុង Newark បានឲ្យដឹងថា ក្រុមចម្រៀង BLACKPINK រកចំណូលបានជិត ៣,៣ លានដុល្លារ ក្នុងមួយយប់ ហើយក្រុមនេះ នៅតែទទួលបានចំណូលចំនួនដូចគ្នា នៅថ្ងៃទីពីរនៃការសម្ដែង។
ម៉្យាងវិញទៀត នេះជាលើកទីមួយក្នុងប្រវត្តិសាស្ត្រ ដែលក្រុមចម្រៀងស្រីមួយក្រុមនេះ អាចរកចំណូលបានដល់ទៅ ៣ លានដុល្លារក្នុងពេលតែមួយយប់នៅអាមេរិក ហើយក្រុមចម្រៀង BLACKPINK ក៏បានបញ្ជាក់ពីថ្នាក់របស់ក្រុម នៅពេលកំណត់ លើកំណត់ត្រាពីរដងជាប់គ្នា។
គួររំឮកផងដែរថា អស់រយៈពេល ៦ ឆ្នាំ ចាប់តាំងពីការបង្ហាញខ្លួនដំបូងរបស់ពួកគេ BLACKPINK គឺជាក្រុមចម្រៀងស្រី ដ៏ធំបំផុតមួយ របស់ប្រទេសកូរ៉េ ដែលមានវីដេអូចំនួន ៦ មានអ្នកចូលមើលច្រើនជាង មួយពាន់លានដងនៅលើ YouTube ហើយតារាស្រីទាំងបួននាក់ ក៏កំពុងគ្រប់គ្រងលើពិភពម៉ូដ ពេលពួកគេធ្វើជាឯកអគ្គរដ្ឋទូតសម្រាប់ម៉ាកយីហោប្រណិតជាបន្តបន្ទាប់៕
ប្រភព៖ Zingnews
សូមទស្សនារូបភាពខាងក្រោម៖
