បាត់មុខ៦ឆ្នាំ Justin Bieber បានឈ្នះពានរង្វាន់នៅកម្មវិធី VMAs សាជាថ្មី

កម្សាន្ត៖ តារាចម្រៀង Pop ជនជាតិកាណាដា Justin Bieber បានសម្រាកពីវិស័យតន្ត្រីសម្ងំសោយសុខជាមួយប្រពន្ធយូរគ្រាន់ដែរ។ លោកមិនមែនឈប់ចេញចម្រៀងនោះទេ គ្រាន់តែ Justin រក្សាភាពស្ងៀមស្ងាត់មិនចេញមុខនៅលើកម្មវិធីផ្សេងៗនោះឡើយ។ 

ទោះយ៉ាងណាក៏មហាជននៅតែចាប់អារម្មណ៍ទៅលើសកម្មភាពជិវិតប្រចាំថ្ងៃរបស់ Justin Bieber ដ៏ដែល ជាញឹកញាប់គេតែងតែឃើញលោកទៅណាមកណាជាមួយប្រពន្ធយ៉ាងផ្អែម។ ដោយឡែកក្រោយស្ងាត់អស់៦ឆ្នាំពីកម្មវិធី VMAS តារាចម្រៀងល្បីរូបនេះ បានត្រលប់មកបង្ហាញខ្លួនលើឆាកតន្ត្រីម្ដងទៀតនិងដាក់ឈ្មោះប្រកួតផងដែរ។

កម្មវិធី VMAS ឬ Video Music Awards គឺជាឆាកចែកពានរង្វាន់សម្រាប់តារាចម្រៀងល្បីៗ ព្រមទាំងមានការសម្ដែងបទចម្រៀងរបស់ពួកគេផងដែរ។ ហើយពានរង្វាន់នោះបានមកពីអ្នកគាំទ្របោះឆ្នោតឲ្យតារាក្នុងចិត្តរបស់ខ្លួនដែលគិតថាពួកគេមានសមត្ថភាពសាកសមនឹងពានរង្វាន់ណាមួយ។ 

ចំណែកឯក Justin Bieber បានឈ្នះពានរង្វាន់២ នៅក្នុងនោះមាន Artist of the year និងពានរង្វាន់ Best Pop ។​ មិនតែប៉ុណ្ណោះ Justin បានច្រៀងចម្រៀង២បទ ដែលបទ Stay ជាមួយតារាចម្រៀងម្នាក់ទៀត The Kid Laroi និងបទ Ghost ហើយជាពិសេសលោកក៏មិនភ្លេចយកប្រពន្ធទៅជាមួយដែរ៕ 

ប្រភព៖ MTV